రాష్ట్రీయం
కాళేశ్వరం ప్రాజెక్టుకు 2న శంకుస్థాపన
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 29: నీటిపారుదల ప్రాజెక్టుల రీ-డిజైనింగ్ తర్వాత తొలిసారి చేపట్టబోతున్న కాళేశ్వరం ప్రాజెక్టుకు తెలంగాణ ముఖ్యమంత్రి కెసిఆర్ మే 2న శంకుస్థాపన చేయనున్నారు. మరోవైపు కాళేశ్వరం ప్రాజెక్టుకు సంబంధించిన హైడ్రో, ఎలక్ట్రికల్ పనులకు 7,998 కోట్ల నిధులకు పాలనాపరమైన అనుమతులు లభించాయి.
ప్రాణహిత- చేవెళ్లగా పేరొందిన ప్రాజెక్టుకు రీ-డిజైనింగ్ తర్వాత కాళేశ్వరం ప్రాజెక్టుగా నామకరణం చేసిన విషయం తెలిసిందే. గతంలో ఈ ప్రాజెక్టు మహారాష్ట్ర ప్రభుత్వ అభ్యంతరంతో ముందుకు సాగలేదు. అలాగే ప్రాణహిత-చేవెళ్ల ప్రాజెక్టు వల్ల మహారాష్టల్రో చాలా గ్రామాలు ముంపునకు గురి అవుతున్న క్రమంలో ఈ ప్రాజెక్టును ఆ ప్రభుత్వం తీవ్రంగా వ్యతిరేకించింది. ప్రాజెక్టు ఆగిపోవడానికి గల కారణాలపై టిఆర్‌ఎస్ ప్రభుత్వం అన్ని కోణాలనుంచి లోతుగా అధ్యయనం చేయడంతోపాటు మహారాష్ట్ర ప్రభుత్వానికి అభ్యంతరం లేనివిధంగా దీనికి రీ-డిజైనింగ్ చేసే బాధ్యతను వ్యాప్కోస్‌కు అప్పగించింది. తమ్మిడిహట్టి వద్ద కాకుండా మేడిగడ్డ వద్ద బ్యారేజి నిర్మించడం ద్వారా మహారాష్టల్రో ముంపు సమస్యను అధిగమించవచ్చని వ్యాప్కో స్ నివేదిక ఇచ్చింది. ఈ నివేదికను అనుసరించి కాళేశ్వరం ప్రాజెక్టుకు రీడిజైనింగ్ చేశారు. ఈ ప్రాజెక్టు ద్వారా ఉత్తర, దక్షిణ తెలంగాణకు చెందిన జిల్లాలను ఏవిధంగా సస్యశ్యామలం చేయవచ్చో శాసనసభలో పవర్ పా యింట్ ప్రజెంటేషన్ ద్వారా ముఖ్యమంత్రి కె చంద్రశేఖర్‌రావు క్షుణ్ణంగా వివరించిన సంగతి తెలిసిందే.
ఈ ప్రాజెక్టుకున్న అవాంతరాలన్నీ తొలగిపోవడంతో కాళేశ్వరం ప్రాజెక్టుకు మే 2వ తేదీన ముఖ్యమంత్రి శంకుస్థాపన చేయబోతున్నారు.
ఎలక్ట్రో, హైడ్రో మెకానికల్ పనులకు నిధులు
కాళేశ్వరం ప్రాజెక్టులో అంతర్భాగం అయిన ఎలక్ట్రో, హైడ్రో మెకానికల్ పనులకు రూ. 7,998 కోట్లకు పరిపాలనపరమైన అనుమతులను ఇస్తూ శుక్రవారం ఉత్తర్వులు జారీ చేసింది. మేడిగడ్డ నుంచి అన్నారం వరకు రూ.3,524 కోట్లు, అన్నారం నుంచి సుందిళ్ల వరకు రూ. 2140 కోట్లు, సుందిళ్ల నుంచి శ్రీపాద ఎల్లంపల్లి వరకు రూ. 2,334 కోట్ల పనులకు మొత్తంగా రూ. 7,998 కోట్లు మంజూరయ్యాయి. ఎత్తిపోతల, పంపుహౌజ్, హెడ్ రెగ్యులేటర్ నిర్మా ణం పనులకు మంజూరైన నిధుల నుంచి చేపట్టనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.