రాష్ట్రీయం
టెండరు దాఖలు చేయని సంస్థకు కాంట్రాక్టు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 7: కాంట్రాక్టు రావాలంటే టెండరు వేయాలి, టెండరు వేయాలంటే బిడ్డింగ్‌లో పాల్గొనాలి, తీరా బిడ్డింగ్ పూర్తయిన తర్వాత కూడా టెండరులో పాల్గొనని సంస్థకు కాంట్రాక్టు దక్కితే దానిని ఏమనాలా? ఇలాంటి వింత పోకడలకు ఆంధ్రప్రదేశ్ సమాచార సాంకేతిక పరిజ్ఞాన శాఖ (ఐటిసి) పోతోంది. ఇ ప్రగతి ప్రాజెక్టుకు సంబంధించి ఎపిటిఎస్ ద్వారా టెండర్లు పిలిచారు. అందులో ఎల్-1లో నిలిచిన సంస్థను కాదని, మరో సంస్థకు అవకాశం కల్పించాలని అధికారులు నిర్ణయించారు. ఎల్-1ను కాదని, బిడ్డింగ్‌లో పాల్గొన్న మరో సంస్థకు కాంట్రాక్టును కట్టబెట్టడంలో పెద్ద విడ్డూరం ఏమీ లేదు. చాలా సందర్భాల్లో ఎల్-1లో ఉన్న సం కంటే మెరుగైన సేవలు అందించేందుకు సిద్ధపడిన సంస్థను ఎంపిక చేయడం అరుదుగా జరుగుతునే ఉంటుంది. అయితే ఎల్-1ను కాదని, అస్సలు కాంట్రాక్టు బిడ్డింగ్‌లో సైతం పాల్గొనని సంస్థకు కట్టబెట్టిన సందర్భాలు ఉండవు. కొద్ది మంది అధికారుల వింతపోకడలతో ఆంధ్రప్రదేశ్ ప్రభుత్వం పరవు కాస్తా అంతర్జాతీయ మార్కెట్‌లో గంగపాలవుతోంది. నిబంధనల ప్రకారం టెండరు దాఖలు చేసిన అగ్రశ్రేణి ఐటి కంపెనీని కాదని, మరో సంస్థకు కట్టబెట్టాలని చూడటం అంటే అస్మదీయులను కాపాడుకునేందుకు చేస్తున్న ప్రయత్నాలేనని ఆరోపణలు వినవస్తున్నాయి. ఈ ప్రగతి ప్రాజెక్టు టెండర్ బిడ్డింగ్‌లో టిసిఎస్ సంస్థ ఎల్-1గా నిలిచింది. ఫైనాన్షియల్ టెండర్‌లోనూ, ప్రాజెక్టు టెండర్‌లోనూ అగ్రస్థానంలో నిలిచింది. అయితే ఈ సంస్థను పక్కన పెట్టి ఫైబర్ గ్రిడ్ ప్రాజెక్టులో వివాదాస్పదం అయిన మరో కంపెనీకి కట్టబెట్టాలని ప్రభుత్వం యోచిస్తోంది. ఫైబర్ గ్రిడ్ ప్రాజెక్టులో పాల్గొన్న సంస్థల ఎంపికకు ఏర్పాటు చేసిన కన్సల్టెంట్, ప్రాజెక్టును దక్కించుకున్న ఐటి కంపెనీకి అనుబంధ కంపెనీలో డైరెక్టర్‌గా వ్యవహరించారని, ఆయన అధికారంలో ఉన్న ఒక ప్రముఖునికి అత్యంత సన్నిహితుడనే ఆరోపణలు వచ్చాయి. ఇదే అంశంపై గత అసెంబ్లీలోనూ పెద్ద ఎత్తున చర్చ జరిగింది. టెరా సాఫ్ట్‌వేర్ సంస్థకు టెరా మీడియా క్లౌడ్ సొల్యూషన్స్ లిమిటెడ్‌కు, హెరిటేజ్ ఫిన్ లీజ్ లిమిటెడ్‌కు మధ్య విడదీయలేని సంబంధం ఉందని విపక్ష నేత జగన్మోహన్‌రెడ్డి బడ్జెట్ సమావేశాల్లో తీవ్రమైన ఆరోపణలు చేశారు. అయితే ఈ మొత్తం వ్యవహారాల్లో కీలక భూమిక పోషించిన వ్యక్తి ఐమెక్స్ సంస్థను తెరమీదకు తెచ్చారనే ఆరోపణలు వినవస్తున్నాయి. ఈ టెండర్‌లో వాస్తవపరిస్థితులను సైతం వివరించేందుకు ఎపిటిఎస్ అధికారులు నిరాకరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.