రాష్ట్రీయం
ప్రాజెక్టులపై కాంగ్రెస్ దొంగ దీక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 10: ఆర్‌డిఎస్ వద్ద కాంగ్రెస్ దీక్ష దొంగ దీక్ష అని, స్వార్థ రాజకీయాల కోసమే దీక్ష చేస్తున్నారని నీటిపారుదల శాఖ మంత్రి తన్నీరు హరీశ్‌రావు మండిపడ్డారు. తెలంగాణ భవన్‌లో మంగళవారం ఉదయం జరిగిన విలేఖరుల సమావేశంలో హరీశ్‌రావు మాట్లాడారు. కాంగ్రెస్ పార్టీకి ఎన్ని తలకాయలు, ఎన్ని నాలుకలు ఉన్నాయని ఆయన ప్రశ్నించారు. ఉత్తమ్‌కుమార్‌రెడ్డి ఒక మాట, రఘువీరారెడ్డి ఒక మాట మాట్లాడుతున్నారని విమర్శించారు. కాంగ్రెస్ పార్టీ రాష్ట్రానికో సిద్ధాంతం, జిల్లాకో సిద్ధాంతంగా వ్యవహరిస్తోందన్నారు. కాంగ్రెస్ నాయకులకు దమ్ముంటే ఆర్‌డిఎస్‌ను అడ్డుకోవద్దని ఎఐసిసితో ఏపీ నేతలకు ఆదేశాలు జారీ చేయించాలని పిసిసి అధ్యక్షుడు ఉత్తమ్‌కుమార్‌రెడ్డిని హరీశ్‌రావు సవాల్ చేశారు. తెలంగాణ కాంగ్రెస్ నేతలు కాంగ్రెస్ నేత రఘువీరారెడ్డి నోరుమూయించాలని అన్నారు. అలాగే టిటిడిపి నేతలకు చీము నెత్తురు ఉంటే ఆంధ్రప్రదేశ్ ముఖ్యమంత్రి చంద్రబాబు, మంత్రి దేవినేని ఉమా మహేశ్వర్‌రావులను ఒప్పించి ఆర్‌డిఎస్‌ను అడ్డుకోకుండా చూడాలని సవాల్ చేశారు. వరంగల్, నారాయణఖేడ్, హైదరాబాద్, ఖమ్మం అన్ని చోట్ల ఇప్పటికే ప్రజలు ఈ రెండు పార్టీలకు బుద్ధి చెప్పారని అన్నారు. ఇప్పుడు ఖమ్మం జిల్లా పాలేరు నియోజక వర్గంలోనూ ఈ పార్టీలకు ప్రజలు తగిన బుద్ధి చెబుతారని హరీశ్‌రావు అన్నారు. ముఖ్యమంత్రి కల్వకుంట్ల చంద్రశేఖర్‌రావుపై ప్రజలకు సంపూర్ణ విశ్వాసం ఉందని, ఆర్డీఎస్ ఆధునీకరణకు కట్టుబడి ఉన్నామని తెలిపారు. తెలంగాణ ప్రాజెక్టులకు వ్యతిరేకంగా చంద్రబాబునాయుడు, జగన్ ఏకమయ్యారని, ఇద్దరూ కుమ్మక్కు అయి తెలంగాణపై వ్యతిరేకత చూపుతున్నారని విమర్శించారు. త్వరలోనే తుమ్మిళ్ల ఎత్తిపోతల పథకంకు శంకుస్థాపన చేయనున్నట్టు హరీశ్‌రావు తెలిపారు.
పాలమూరు జిల్లాకు టిడిపి, కాంగ్రెస్ రెండూ తీరని ద్రోహం చేశాయని విమర్శించారు. పాలమూరును దత్తత తీసుకున్నాను అని ఉమ్మడి రాష్ట్ర ముఖ్యమంత్రిగా ఉన్నప్పుడు ప్రచారం చేసుకున్న చంద్రబాబు ఇప్పుడు పాలమూరు ప్రాజెక్టును అడ్డుకోవడానికి ప్రయత్నిస్తుంటే టిటిడిపి నాయకులు ఎందుకు నిలదీయడం లేదని ప్రశ్నించారు. పదేళ్లపాటు కాంగ్రెస్ అధికారంలో ఉన్నప్పుడు కర్నాటకతో ఆర్‌డిఎస్‌తో పాటు ఇతర ప్రాజెక్టుల సమస్యలపై ఎందుకు మాట్లాడలేదని ప్రశ్నించారు. ఆర్‌డిఎస్‌లో న్యాయమైన వాటా కోసం టిఆర్‌ఎస్ ప్రయత్నిస్తోందని చెప్పారు. కాంగ్రెస్, టిడిపిలు ఎన్ని అడ్డంకులు కల్పించినా కోటి ఎకరాలకు సాగునీటిని అందించి తీరుతామని హరీశ్‌రావు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.