రాష్ట్రీయం
టి.మెడికల్ ఇంకొంత జాప్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 23: మెడికల్, డెంటల్ కాలేజీల్లో అడ్మిషన్లకు తెలంగాణ ప్రభుత్వం ప్రత్యేకించి త్వరలో ఎమ్సెట్ నిర్వహించనున్నట్టు గతంలో ప్రకటించినా, ఇంకా అందుకు సంబంధించి ఎలాంటి నిర్ణయం తీసుకోకపోవడంతో ఈ వ్యవహారం మరింత జాప్యమవుతోంది. కేంద్రం జారీ చేయాల్సిన ఆర్డినెన్స్ కోసం రాష్ట్రం ఎదురుచూస్తోంది. శుక్రవారం నిర్వహించిన కేంద్ర కేబినెట్ నీట్‌ను ఏడాది పాటు వాయిదా వేస్తూ ఆర్డినెన్స్‌ను జారీ చేయాలని నిర్ణయం తీసుకున్నా రాష్టప్రతి దానిపై న్యాయసలహా కోరారనే వార్తలు రావడంతో తెలంగాణ ప్రభుత్వం ఈ అంశంపై తొందరపాటు పనికి రాదని యోచిస్తోంది. షెడ్యూలు ప్రకటించి అభ్యర్ధులకు దరఖాస్తు గడువు ఇవ్వాల్సి ఉంటుంది. అనంతరం హాల్‌టిక్కెట్లు జారీ చేయడం, పరీక్షకు ప్రిపరేషన్‌కు గడువు కూడా ఇవ్వాల్సి ఉంటుంది. ఇప్పటికే షెడ్యూలు ప్రకటించించి ఉంటే ఎమ్సెట్ మెడికల్ స్ట్రీం పరీక్షకు అంతా సన్నద్ధమయ్యేవారు. మొత్తం ప్రక్రియను 45 రోజుల్లో పూర్తి చేసి ఆగస్టు 1 నుండి వైద్య విద్యా కోర్సులకు క్లాసులు ప్రారంభించాలని ప్రభుత్వం భావించినా అది నెరవేరేలా లేదు. గతంలో సుప్రీంకోర్టు ఎట్టిపరిస్థితుల్లో ఆగస్టు 1నాటికి వైద్య విద్యా కోర్సులకు క్లాసులు ప్రారంభించాల్సిందేనని ఆదేశాలు జారీ చేసింది. ఆగస్టు 1న తరగతులు ప్రారంభించాలంటే జూన్ చివరి వారంలోనైనా ఫలితాలను ఇవ్వాలి. పరీక్ష జరిగిన తర్వాత కీ విడుదల, అభ్యంతరాల స్వీకారం, తుది కీ రూపకల్పన వంటి ప్రక్రియకు కనీసం 10 రోజులు గడువు కావాలి. జూలై మొదటి వారంలో పరీక్ష నిర్వహించాలంటే జూన్‌లో దరఖాస్తులను స్వీకరించాల్సి ఉంటుందని చెబుతున్నారు. రాష్డ్రపతి సంతకం అయిన తర్వాత కేంద్రం అధికారికంగా నీట్‌కు సంబంధించిన ఆర్డినెన్స్‌ను జారీ చేస్తే తప్ప ఈ వ్యవహారంలో ముందుకు సాగరాదని రాష్ట్రప్రభుత్వం భావిస్తోంది. ఆంధ్రలో అన్‌రిజర్వుడ్ కోటా (15 శాతం) సీట్ల భర్తీకి తెలంగాణ విద్యార్ధులు, తెలంగాణలో అన్ రిజర్వుడ్ కోటాకు ఆంధ్ర సహా పొరుగు రాష్ట్రాల విద్యార్ధులు పోటీ పడే వీలుంది కనుక ఒకే సమయంలో ఇందుకు సంబంధించిన కౌనె్సలింగ్ జరగాల్సి ఉంది. ప్రైవేటు కాలేజీల యాజమాన్యాల హెచ్చరికలతో తొందరపడి పరీక్షను వాయిదా వేసినట్టు తెలంగాణ ప్రభుత్వం ఇపుడు భావిస్తోంది. రెండు పరీక్షలు వల్ల విద్యార్ధులకు పరీక్ష ఫీజుతో పాటు ఒత్తిడి కూడా ఎక్కువైందనే అభిప్రాయం వ్యక్తం అవుతోంది. ఒక పూట నీట్ అని మరో పూట ఎమ్సెట్ అని అధికారులు చెప్పడంతో అయోమయానికి గురవ్వడం విద్యార్ధుల వంతైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.