రాష్ట్రీయం
ప్రచండంగా రోహిణి కార్తె
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 24 : ఉభయ తెలుగు రాష్ట్రాల్లో నేటినుంచి ఎండల తీవ్రత మరింత పెరిగే అవకాశం ఉంది. ‘రోహిణీ కార్తె’ బుధవారం ప్రారంభమై జూన్ 8 వరకు ఉంటుంది. వేసవిలో అత్యధిక ఉష్ణోగ్రత సాధారణంగా రోహిణిలోనే నమోదవుతోంది. గత పది పదిహేను రోజుల నుంచి తుపానుతో పాటు వాతావరణంలో వచ్చిన మార్పుల వల్ల ఉభయ తెలుగు రాష్ట్రాల్లో పగటి ఉష్ణోగ్రతలు కాస్త తగ్గి, గత రెండు రోజుల నుండి మళ్లీ పెరుగుతూ వస్తున్నాయి. బుధవారం ప్రారంభమయ్యే రోహిణి కార్తెలో తీవ్రమైన ఎండలు ఉంటాయని శాస్ర్తియంగానూ వెల్లడైంది. వచ్చే నాలుగైదు రోజుల్లో గుంటూరు, తూర్పుగోదావరి, విశాఖపట్నం, ఆదిలాబాద్, నిజామాబాద్, కరీంనగర్, మెదక్, నల్లగొండ, వరంగల్, ఖమ్మం జిల్లాల్లో వేడిగాలులు వీస్తాయని భారత వాతావరణ కేంద్రం (ఐఎండి) హైదరాబాద్ డైరెక్టర్ (ఇంచార్జి) డాక్టర్ కె నాగరత్న తెలిపారు. రెండు రాష్ట్రాల్లోని ఇతర ప్రాంతాల్లోనూ ఉష్ణోగ్రతలు అత్యధికంగానే నమోదవుతాయని వివరించారు. ఉభయ తెలుగు రాష్ట్రాల్లో తీవ్రమైన ఎండలు ఉంటాయని, వేడిగాలులు వీస్తాయని ఆమె పేరుతో ఒక బులెటిన్ విడుదలైంది. ఇలా ఉండగా 2016 వేసవిలో ఇప్పటివరకు ఉభయ తెలుగు రాష్ట్రాల్లో 500 మందికిపైగా వేడిగాడ్పుల వల్ల మరణించారని అధికారిక లెక్కలే తెలియచేస్తున్నాయి. మంగళవారం అనేక ప్రాంతాల్లో ఎండ తీవ్రత ఎక్కువగా నమోదైంది. బుధవారం నుంచి ఈ తీవ్రత మరింత పెరుగుతుందని తెలియడంతో ప్రజల్లో ఆందోళన మొదలైంది. తీవ్రమైన ఎండల కారణంగా కొన్ని జాగ్రత్త చర్యలు తీసుకుంటే మంచిదని ఇప్పటికే ఒకవైపు ఆంధ్రప్రదేశ్ ప్రభుత్వం, మరోవైపు తెలంగాణ ప్రభుత్వం హెచ్చరికలు జారీ చేశాయి. నైరుతి రుతుపవనాలు జూన్ 10 తర్వాతనే రాయలసీమను తాకుతాయని, ఆ తర్వాత తెలంగాణకు విస్తరిస్తాయని ఇప్పటికే ఐఎండి తెలిపింది. అయితే ఒక్కో పర్యాయం రుతుపవనాలకంటే ముందే కొన్నిచోట్ల వర్షాలు కురుస్తుంటాయి. ముందస్తు వర్షాలు వస్తాయో లేదో జూన్ ప్రారంభమైతేగానీ తేలదు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.