తెలంగాణ
ప్రస్తుతానికి బ్రేక్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 24: రాష్టవ్య్రాప్తంగా సుమారు నాలుగు వేల వరకు ఖాళీగా ఉన్న నామినేటెడ్ పోస్టుల భర్తీకి మళ్లీ బ్రేక్‌పడింది. జూన్ 2న రాష్ట్రావతరణ వేడుకలు ముగిసిన తర్వాతే నామినేటెడ్ పోస్టులు భర్తీ చేయాలని తాజాగా సిఎం కె చంద్రశేఖర్‌రావు నిర్ణయించినట్టు పార్టీవర్గాల సమాచారం. ఖమ్మంలో గత నెల 27న జరిగిన తెరాస ప్లీనరీలో మే నెలాఖరులోగా రాష్టవ్య్రాప్తంగా ఖాళీగావున్న నామినేటెడ్ పోస్టులన్నింటినీ భర్తీ చేయనున్నట్టు సిఎం కెసిఆర్ ప్రకటించారు. అయితే ఖమ్మం జిల్లా పాలేరు ఉప ఎన్నికలు అడ్డురావడంతో నామినేటెడ్ పోస్టుల భర్తీ ప్రక్రియ తాత్కాలికంగా వాయిదాపడింది. ఈ ఎన్నికల ఫలితాల తర్వాత నామినేటెడ్ పోస్టుల భర్తీ చేయాలని మొదట సిఎం భావించినప్పటికీ, ప్రస్తుత పరిస్థితుల్లో బ్రేక్ పడిందని అంటున్నారు. రాష్ట్రావతరణ వేడుకలు ప్రతిష్టాకరంగా నిర్వహించాలని సిఎం భావిస్తున్నారు. ఈ కార్యక్రమాల నిర్వహణపై కలెక్టర్లతో సిఎం ప్రత్యేకంగా సమావేశంకావడం, అధికార యంత్రాంగమంతా వేడుకల నిర్వహణలో తలమునకలు కావడంతో నామినేటెడ్ పోస్టుల నియామకాలకు తాత్కాలికంగా మళ్లీ వాయిదా పడినట్టు తెరాస వర్గాల సమాచారం. ఇలావుండగా మరోవైపు రాజ్యసభకు రాష్ట్రంనుంచి ఖాళీ అయిన రెండు స్థానాలకు నామినేషన్ల ప్రక్రియ మంగళవారం నుంచి ప్రారంభంకావడం కూడా నామినేటెడ్ పోస్టుల భర్తీకి బ్రేక్ పడటానికి మరో కారణంగా వినిపిస్తుంది. రాజ్యసభ స్థానాలను ఆశిస్తున్న నేతలలో కొందరికి రాష్టస్థ్రాయి కార్పొరేషన్ చైర్మన్ పోస్టులు ఇవ్వాలని సిఎం భావిస్తున్నారని, మొదట ఈ పోస్టులకు పార్టీ అభ్యర్థులను ప్రకటించిన తర్వాతే నామినేటెడ్ పోస్టుల భర్తీ ప్రక్రియ ప్రారంభమవుతుందని కూడా తెరాస వర్గాల సమాచారం.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.