రాష్ట్రీయం
ప్రైవేటుకు ఫీజుల నిర్ధారణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 31: తెలంగాణలో ప్రైవేటు కాలేజీలు, స్కూళ్లను కట్టడి చేసే పనిలో ప్రభుత్వం ఉందని ఉప ముఖ్యమంత్రి కడియం శ్రీహరి చెప్పారు. ప్రభుత్వ స్కూళ్లలో సమస్త సౌకర్యాలు కల్పిస్తున్నామని, అన్ని స్కూళ్లలో టీచర్లను నియమిస్తున్నామని, ఇక మంచి ఫలితాలను సాధించాల్సిన బాధ్యత టీచర్లపై ఉంటుందని అన్నారు. ప్రైవేటు స్కూళ్లు సైతం నిబంధనలు పాటించేలా చర్యలు తీసుకుంటామని, అన్ని స్కూళ్లలో ఫీజులకు సంబంధించి స్పష్టమైన మార్గదర్శకాలను జారీ చేస్తామని ఉప ముఖ్యమంత్రి చెప్పారు. రాష్ట్రంలో డ్రాపవుట్లను గుర్తించడం, వారికి అవసరమైన విద్యాసౌకర్యాలను కల్పించడం, ఓపెన్ స్కూలు ద్వారా వారు పరీక్షలకు హాజరయ్యేలా చూడటం ద్వారా నిరక్షరాస్యత నిర్మూలనకు అన్ని చర్యలూ తీసుకోవాలని అన్నారు.అంతకుముందు ఉప ముఖ్యమంత్రి ఓపెన్ స్కూల్ సొసైటీ ఫలితాలను విడుదల చేశారు. ఈ కార్యక్రమంలో స్పెషల్ చీఫ్ సెక్రటరీ రంజీవ్ ఆర్ ఆచార్య, డైరెక్టర్ జి కిషన్, ఓపెన్ స్కూల్ సొసైటీ డైరెక్టర్ డాక్టర్ శర్మ తదితర అధికారులు పాల్గొన్నారు.
ఎస్సెస్సీలో 43.39 శాతం, ఇంటర్‌లో 49.69 శాతం
ఓపెన్ స్కూలు సొసైటీ నిర్వహించిన పరీక్షల్లో 51,199 మంది హాజరుకాగా, అందులో 22,214 మంది పాసయ్యారని , 43.39 శాతం ఉత్తీర్ణత నమోదైందని ఉప ముఖ్యమంత్రి కడియం శ్రీహరి చెప్పారు. హాజరైన వారిలో 36,335 మంది అబ్బాయిలు, 14,864 మంది అమ్మాయిలు ఉన్నారని వారిలో 15,046 మంది అబ్బాయిలు, 7168 మంది అమ్మాయిలు పాసయ్యారని చెప్పారు. ఫలితాల రీ కౌంటింగ్‌కు 100 రూపాయిలు చెల్లించి జూన్ 4 నుండి 13వ తేదీ మధ్య దరఖాస్తు చేయవచ్చని, రీ వెరిఫికేషన్‌కు వెయ్యి రూపాయిల ఫీజుతో దరఖాస్తు చేయవచ్చని ఆయన పేర్కొన్నారు. ఇంటర్మీడియట్‌లో 35137 మంది అబ్బాయిలు, 17,377 మంది అమ్మాయిలు పరీక్ష రాయగా వారిలో 16,767 మంది అబ్బాయిలు, 9328 మంది అమ్మాయిలు పరీక్ష పాసయ్యారని ఇంటర్‌లో 49.69 శాతం ఉత్తీర్ణత నమోదైందని పేరొ=కన్నారు. బి గ్రేడ్‌లో 17 మంది, సి గ్రేడ్‌లో 571 మంది, డి గ్రేడ్‌లో 3241 మంది, ఇ గ్రేడ్‌లో 8455 మంది, ఎఫ్ గ్రేడ్‌లో 11,408 మంది, జి గ్రేడ్‌లో 2403 మంది పాసయ్యారని వివరించారు. సబ్జెక్టుకు 200 చొప్పున రీకౌంటింగ్‌కు, సబ్జెక్టుకు వెయ్యి రూపాయిలు చొప్పున రీ వెరిఫికేషన్‌కు జూన్ 4 నుండి దరఖాస్తు చేసుకోవచ్చని అధికారులు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.