రాష్ట్రీయం
ట్రావెల్స్ దగా!
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, మే 31: తెలంగాణ, ఆంధ్రప్రదేశ్ రాష్ట్రాలకు చెందిన సుమారు 65మంది ఒక ప్రైవేటు ట్రావెల్ ఏజన్సీ ద్వారా నేపాల్, మానస సరోవర్ యాత్రకు వెళ్ళగా, వారిని ట్రావెల్స్ యజమాన్యం అక్కడే వదిలేయటంతో వారు ఇబ్బందులు పడుతున్నారు. కొద్ది రోజుల కిందట ఖమ్మం జిల్లాకు చెందిన తొమ్మిది మందితో పాటు ఇతర జిల్లాలకు చెందిన వారంతా కలిసి హైదరాబాద్‌కు చెందిన ఒక ట్రావెల్ ఏజన్సీ ద్వారా యాత్రకు వెళ్ళారు. ఒక్కొక్క వ్యక్తి నుంచి 2లక్షల రూపాయలు తీసుకున్న సదరు యజమాన్యం ఖాట్మండ్ సరిహద్దులో వారిని వదిలేసింది. యాత్రికుల వెంట ఉన్న ట్రావెల్స్‌కు చెందిన రమణ అనే ఉద్యోగి ఆ ప్రాంతం నుంచి కన్పించకుండా వెళ్ళాడు. అక్కడ నుంచి యజమాన్యాన్ని సంప్రదించినా పట్టించుకోలేదని పర్యాటకులు సమాచారం ఇచ్చారు. నాలుగు రోజులుగా ఆ ప్రాంతంలో ఇబ్బందులు పడుతున్నట్లు ఖమ్మం నగరానికి చెందిన సత్యనారాయణ తెలిపారు. కాగా తనతో పాటు ఉన్న వారంతా భోజనం కూడా లేకుండా ఇబ్బందులు పడుతున్నారని వెల్లడించారు. ఈ సమాచారం తెలుసుకున్న రాష్టర్రోడ్లు, భవనాల శాఖామంత్రి తుమ్మల నాగేశ్వరరావు ఢిల్లీలో రాష్ట్ర ప్రభుత్వ ప్రతినిధి వేణుగోపాలచారితో ఫోన్‌లో మాట్లాడి యాత్రికులను సురక్షితంగా స్వస్థలాలకు చేరేలా చూడాలని కోరారు. అలాగే జిల్లా కలెక్టర్, ఎస్పీలు కూడా ఢిల్లీలో అధికారులతో మాట్లాడి సమస్య పరిష్కరించాలని కోరారు. దీనికి స్పందించిన కేంద్ర పర్యాటక శాఖను అప్రమత్తం చేయటంతో వారి ద్వారా 65మంది యాత్రికులను సురక్షితంగా తరలించేందుకు ఏర్పాట్లు చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.