రాష్ట్రీయం
త్వరలో ఎన్నారై పాలసీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 11: ఉపాధి కోసం గల్ఫ్‌తో పాటు వివిధ దేశాలకు వెళ్లే తెలంగాణ యువత కోసం ఎన్‌ఆర్‌ఐ పాలసీకి రూపకల్పన చేయాలని తెలంగాణ ప్రభుత్వం నిర్ణయించింది. ఐటి శాఖ మంత్రి కె తారక రామారావుకు ఎన్‌ఆర్‌ఐ విభాగం బాధ్యతలు సైతం అప్పగించారు. ఎన్‌ఆర్‌ఐ పాలసీకి రూపకల్పన చేయాలని ఐటి మంత్రి కెటిఆర్ అధికారులను ఆదేశించారు. ప్రస్తుతం దేశంలో కేరళ, పంజాబ్ రాష్ట్రాల్లో ఎన్‌ఆర్‌ఐ పాలసీలు ఉన్నాయి. ఈ రాష్ట్రాల నుంచి ఎన్‌ఆర్‌ఐ పాలసీలు తెప్పించుకుని పరిశీలిస్తున్నారు. కేరళ నుంచి గల్ఫ్ దేశాలకు ఉపాధి కోసం వెళ్లేవారు పెద్ద సంఖ్యలో ఉన్నారు. పంజాబ్ నుంచి ఎక్కువగా ఇంగ్లాండ్, అమెరికా దేశాలకు వెళతారు. పంజాబ్ ఎన్‌ఆర్‌ఐల సమస్యలు వేరు, తెలంగాణ ఎన్‌ఆర్‌ఐల సమస్యలు వేరు. కేరళ, తెలంగాణ ఎన్‌ఆర్‌ఐల సమస్యలు సంబంధం ఉంటుంది. దీన్ని దృష్టిలో పెట్టుకుని కేరళ విధానాన్ని క్షుణ్ణంగా అధ్యయనం చేస్తున్నారు. ఎన్‌ఆర్‌ఐ పాలసీపై కెటిఆర్ ఇప్పటికే అధికారులతో సమావేశాలు నిర్వహించారు. కెటిఆర్ ప్రాతినిధ్యం వహిస్తున్న కరీంనగర్ జిల్లా నుంచి వేలాది మంది ఉపాధి కోసం గల్ఫ్ దేశాలకు వెళ్లారు. కెటిఆర్ గల్ఫ్ దేశాల్లో పర్యటించి తెలంగాణ నుంచి వెళ్లిన కార్మికుల కష్టాలను స్వయంగా చూశారు. గల్ఫ్‌లో ఉద్యోగాల పేరుతో ఏజెంట్లు పెద్దఎత్తున మోసాలు చేయడాన్ని అరికట్టడానికి ప్రభుత్వం ఆధ్వర్యంలోనే గల్ఫ్ కంపెనీల్లో ఉద్యోగాలు కల్పిస్తున్నారు. దాని కోసం హైదరాబాద్‌లోనే ఇంటర్వ్యూలు నిర్వహిస్తున్నారు. సమగ్రమైన ఎన్‌ఆర్‌ఐ పాలసీ రూపకల్పన చేసి వారికి అండగా ఉండాలని ప్రభుత్వం నిర్ణయించింది. పాలసీ వల్ల విదేశాలకు వెళ్లే యువత మోసాలకు గురికాకుండా ఉండేలా చర్యలు తీసుకోనున్నట్టు కెటిఆర్ తెలిపారు. విదేశాల్లో దురదృష్టవశాత్తు ప్రమాదాలకు గురైన వారికి, మరణించిన వారికి అందాల్సిన సహాయం అంశాలను పాలసీలో పొందుపరుస్తారు. ఎన్‌ఆర్‌ఐల నుంచి వచ్చే పెట్టుబడులు, ఇతర భాగస్వామ్యల స్వీకరణకు ఎలాంటి వ్యవస్థను ఏర్పాటు చేయాలో చర్చిస్తారు. ఎన్‌ఆర్‌ఐ పాలసీ రూపకల్పనపై వారంలో అధికారులతో కెటిఆర్ ప్రత్యేక సమావేశం నిర్వహించనున్నారు సమావేశానికి వలస కార్మికుల సంక్షేమం కోసం స్వదేశంలో పని చేస్తున్న పలువురు వ్యక్తులను, సంఘాలను ఆహ్వానిస్తున్నారు. అన్ని సంఘాలతో కలిసి దేశంలోనే అత్యున్నతమైన విధానానికి రూపకల్పన చేయనున్నట్టు మంత్రి కెటిఆర్ తెలిపారు. ముసాయిదా పత్రం రూపకల్పన తరువాత సిఎంతో చర్చించి పాలసీ రూపొందిస్తామని వెల్లడించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.