రాష్ట్రీయం
చలో హైకోర్టు ఉద్రిక్తం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 13: హైకోర్టును విభజించి ప్రత్యేకంగా తెలంగాణకు హైకోర్టు ఏర్పాటు చేయాలని, ఆప్షన్ విధానాన్ని రద్దు చేయాలని డిమాండ్ చేస్తూ తెలంగాణ న్యాయవాదుల జెఎసి ఇచ్చిన ‘చలో హైకోర్టు’ పిలుపు ఉద్రిక్తతకు దారి తీసింది. సోమవారం పలు కోర్టుల న్యాయవాదులు విధులు బహిష్కరించి హైకోర్టు 6వ గేట్ వద్ద ఆందోళనకు దిగారు. చలో హైకోర్టుకు అనుమతి లేదని ప్రకటించిన నగర కమిషనర్ కోర్టు వద్ద భారీగా బందోబస్తు ఏర్పాటు చేశారు. ఈ సందర్భంగా నగరంలోని కోర్టుల నుంచి తరలివస్తున్న న్యాయవాదులను ఎక్కడికక్కడ అరెస్టు చేశారు. పలుచోట్ల చెక్ పోస్టులను ఏర్పాటు చేసిన పోలీసులు పాసులు ఉన్నవారినే హైకోర్టులోనికి అనుమతించారు. ఆంక్షలు విధించిన పరిసరాల్లో న్యాయవాదులు ‘మా నిధులు, నీళ్లు, నియామకాలు మాకే కావాలి’ అంటూ నినాదాలు చేస్తుండగా పోలీసులు వారిని అరెస్టు చేసి కంచన్ బాగ్ పోలీసు స్టేషన్‌కు తరలించారు.
లాయర్ల మూడు డిమాండ్లపై సిజె హామీ
తెలంగాణ న్యాయవాదుల జెఎసి చలో హైకోర్టు పిలుపు నేపథ్యంలో సుమారు 20 మంది న్యాయవాదులు హైకోర్టు చీఫ్ జస్టిస్ చాంబర్ ఎదుట బైఠాయించి ఆందోళనకు దిగారు. దీంతో వెంటనే వారిని పోలీసులు అదుపులోకి తీసుకున్నారు. ఈ సందర్భంగా చీఫ్ జస్టిస్ మూడు డిమాండ్లపై హామీ ఇచ్చారని జెఎసి తెలిపింది. మూడు నెలల వరకు ఆప్షన్స్‌పై ఎలాంటి నిర్ణయం తీసుకోమని హామీ ఇచ్చారు. అరెస్టు చేసిన వారిని వెంటనే విడుదల చేయాలని పోలీసులకు ఆదేశించారని, అదేవిధంగా హైకోర్టు నుంచి మదీనా వరకు ర్యాలీ నిర్వహించుకునేందుకు సిజె అనుమతించారని జెఎసి తెలిపింది. ఈ సందర్భంగా తెలంగాణ న్యాయవాదుల జెఎసి కన్వీనర్ పులిగారి గోవర్ధన్‌రెడ్డి మాట్లాడుతూ తెలంగాణలోని 335 న్యాయమూర్తుల్లో 157 మంది మాత్రమే తెలంగాణ వారున్నారని ఆరోపించారు. న్యాయమూర్తుల నియామకాల్లో తెలంగాణకు అన్యాయం జరుగుతోందన్నారు. తాము న్యాయవాదులకు, న్యాయమూర్తులకు వ్యతిరేకం కాదని, న్యాయమూర్తుల నియామకాల్లో స్థానికతకు ప్రాధాన్యత ఇవ్వడంతో పాటు విభజన చట్టంలో ఉన్న నిష్పత్తి ప్రకారం సిబ్బంది నియామకాలు చేపట్టాలని డిమాండ్ చేశారు. తెలంగాణ న్యాయవాదుల జెఎసి ఆధ్వర్యంలో ఆందోళన కొనసాగుతుందని, తమ సమస్యలు పరిష్కరించేంత వరకు దశల వారీగా ఆందోళన కొనసాగిస్తామని తెలంగాణ న్యాయవాదుల జెఎసి కన్వీనర్ గోవర్ధన్‌రెడ్డి తెలిపారు. ఈ సందర్భంగా నాలుగు రోజుల ఆందోళన కార్యక్రమాలను ఆయన ప్రకటించారు. ఈ నెల 14న తెలంగాణలోని అన్ని కోర్టుల ఎదుట నిరాహార దీక్ష, 15న విధుల బహిష్కరణతోపాటు నిరశన కార్యక్రమాలు, 16న కోర్టుల ఆవరణల్లో వంటా-వార్పు, 17న పోస్టుకార్డులతో ఉద్యమాన్ని కొనసాగిస్తామని పేర్కొన్నారు.
న్యాయశాఖలోని పలు నియామకాల్లో స్థానికులకు అవకాశం ఇవ్వాలని, విభజన చట్టంలోని నిష్పత్తి ప్రకారమే నియామకాలు జరపాలని డిమాండ్ చేస్తూ తెలంగాణ న్యాయశాఖ ఉద్యోగులు ఆందోళనకు దిగనున్నారు. జూలై 1నుంచి నిరవధిక సమ్మె చేపట్టనున్నట్టు ఉద్యోగుల జెఎసి ప్రకటించింది. సోమవారం రాష్ట్ర హైకోర్టుకు సమ్మె నోటీసు అందజేసినట్టు ఉద్యోగుల కార్యాచరణ సమితి తెలిపింది.
చిత్రం చలో హైకోర్టు పిలుపు మేరకు తరలివస్తున్న న్యాయవాదులను అడ్డుకుంటున్న పోలీసులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.