రాష్ట్రీయం
ఇదేం పద్ధతి?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 16: సాగునీటి ప్రాజెక్టుల కోసం 123 జీవో కింద భూములు ఇవ్వాలని రైతులపై ఎందుకు వత్తిడి తెస్తారంటూ హైకోర్టు గురువారం తెలంగాణ ప్రభుత్వాన్ని ప్రశ్నించింది. పాలమూరు-రంగారెడ్డి ఎత్తిపో తల పథకం కింద వట్టెం రిజర్వాయర్ పరిధిలోని తమ భూములు ఇవ్వాలని ప్రభుత్వం వత్తిడి తెస్తున్నదంటూ మహబూబ్‌నగర్ జిల్లా బిజ్నేపల్లి మండలం కరుకొండ గ్రామానికి చెందిన బి స్వామి రావు మరో 23 మంది రైతులు హైకోర్టులో పిటిషన్ దాఖలు చేశారు. ఈ పిటిషన్‌ను న్యాయమూర్తి జస్టిస్ ఏ రాజశేఖర రెడ్డి విచారించారు. తమ భూములను రిజర్వాయర్ ప్రాజెక్టు నిర్మాణానికి ఇవ్వాలంటూ ప్రభుత్వం వత్తిడి తెస్తోందన్న రైతుల అభ్యంతరాల్లో నిజం లేదని తెలంగాణ ప్రభుత్వ న్యాయవాది కోర్టుకు తెలిపారు. అదే నిజమైతే ఖాళీ నోటరీ అఫిడవిట్లపై రైతుల సంతకాలను ప్రభుత్వం ఎందుకు సేకరిస్తున్నదని హైకోర్టు ప్రశ్నించింది. ఈ సందర్భంగా రైతుల తరఫున న్యాయవాదులు రచన, ఎన్‌ఎస్ అర్జున్ కుమార్ ఖాళీ నోటరీ అఫిడవిట్లను హైకోర్టుకు సమర్పించారు. తమ ఆధీనంలోనే భూములు ఉండేటట్లు చర్యలు తీసుకోవాలని, జీవో ఎంఎస్ 123 కింద భూములను ప్రభుత్వానికి అప్పగించేందుకు రైతులు సిద్ధంగా లేరని వారు కోర్టు దృష్టికి తీసుకెళ్లారు. భూములను ఇవ్వాలని ప్రభుత్వం నిర్బంధించడం వల్లనే రైతులు కోర్టుకు వచ్చారని హైకోర్టు పేర్కొంది. భూముల కోసం రైతుల్ని వత్తిడి చేయవద్దని, రైతులు ఇప్పటికే తమ అభ్యర్ధనలను జిల్లా స్ధాయి భూసేకరణ కమిటీకి సమర్పించారని, రైతుల వినతిని పరిగణనలోకి తీసుకోవాలని హైకోర్టు మహబూబ్‌నగర్ కలెక్టర్‌ను ఆదేశిస్తూ ఈ పిటిషన్‌ను మూసివేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.