రాష్ట్రీయం
అగ్రిగోల్డ్ బాధితుల మహాధర్నా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ముషీరాబాద్, జూన్ 16: అగ్రిగోల్డ్ బాధితులు గురువారం హైదరాబాద్‌లో మహాధర్నా నిర్వహించారు. దేశంలోనే భారీ ఆర్థిక కుంభకోణానికి పాల్పడిన అగ్రిగోల్డ్ సంస్థ వ్యవహారాన్ని తక్షణం సిబిఐకి బదలాయించి సమగ్ర విచారణ జరిపించి బాధితులకు న్యాయం చేయాలని డిమాండ్ చేస్తూ ఏజెంట్లు, బాధితులు భారీ ర్యాలీ నిర్వహించారు. ఈ ధర్నాకు రాజకీయ పక్షాలు, ప్రజాసంఘాలు, కాంగ్రెస్ నేత విహెచ్, లక్ష్మిపార్వతి మద్దతు పలికారు. గత కొన్ని రోజులుగా ఆందోళనలు, ధర్నాలతో నిరసన తెలిపిన అగ్రిగోల్డ్ సంస్థ బాధితులు, ఏజెంట్లు గురువారం హైదరాబాద్‌లో మహాధర్నాకు దిగారు. ఆలిండియా అగ్రిగోల్డ్ కస్టమర్స్ అండ్ ఏజెంట్స్ వెల్ఫేర్ అసోసియేషన్ ఆధ్వర్యంలో తొలుత ఇందిరాపార్కు నుంచి గోశాలకు, గోశాల నుంచి ఇందిరాపార్కు వరకు ర్యాలీ నిర్వహించారు. అనంతరం ధర్నా చౌక్ వద్ద భారీ బహిరంగ సభ నిర్వహించారు. అసోసియేషన్ అధ్యక్షుడు అండాలు రమేష్ బాబు అధ్యక్షతన జరిగిన సభకు జస్టిస్ బి.చంద్రకుమార్, రాజ్యసభ సభ్యుడు వి.హనుమంతరావు, జాతీయ బిసి సంక్షేమ సంఘం అధ్యక్షుడు ఆర్.కృష్ణయ్య, బిజెపి రాష్ట్ర ప్రధాన కార్యదర్శి ప్రేమేందర్‌రెడ్డి, నాయకులు పులి రాజారెడ్డి, వైఎస్సార్‌సిపి నేత లక్షీపార్వతి, బిఎంఎస్ జాతీయ కార్యదర్శి కెఎం సూర్యనారాయణ రావు, సిపిఎం నాయకులు వెంకట్, నర్సింహారెడ్డి, రాంనర్సింహారావు హాజరై సంఘీభావం ప్రకటించి ప్రసంగించారు. జస్టిస్ చంద్రకుమార్ మాట్లాడుతూ అగ్రిగోల్డ్ బాధితులకు, ఏజెంట్లకు న్యాయం చేకూర్చటంలో కేంద్ర, రాష్ట్ర ప్రభుత్వాలు ఘోరంగా విఫలమయ్యాయని అన్నారు. విహెచ్ మాట్లాడుతూ బాధితులకు న్యాయం చేకూర్చటానికి అన్ని రాష్ట్రాల ముఖ్యమంత్రులు జోక్యం చేసుకోవాలని కోరారు. బినామీ ఆస్తులను జప్తు చేసుకుని విక్రయించి నష్టపరిహారం చెల్లించాలని డిమాండ్ చేశారు. ప్రేమేందర్‌రెడ్డి మాట్లాడుతూ ఎనిమిది రాష్ట్రాలలో చోటు చేసుకున్న ఈ కుంభకోణం కేసులో సిఐడి ఎలా న్యాయం చేస్తుందని ప్రశ్నించారు. వెంటనే సిబిఐకి అప్పగించాలని డిమాండ్ చేశారు. లక్షీపార్వతి మాట్లాడుతూ ఆంధ్రప్రదేశ్ ప్రభుత్వం.. అగ్రిగోల్డ్ యాజమాన్యం నుంచి 200 కోట్లు ముడుపులు తీసుకుందని ఆరోపించారు.
చిత్రం మహాధర్నాలో మాట్లాడుతున్న లక్షీపార్వతి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.