రాష్ట్రీయం
టెట్‌లో అర్హత సాధించలేదనే మనస్తాపంతో విద్యార్థిని ఆత్మహత్య
S ,7 à 8 RSCA (si SASPAS) et 6 cialis pharmacie cialis rapports de stage.
భిక్కనూరు, జూన్ 18: ఉపాధ్యాయ అర్హత పరీక్ష ఫలితాల్లో ఒక మార్కు తక్కువ రావడంతో అర్హత సాధించలేకపోయానన్న బెంగతో తీవ్ర మనస్తాపానికి గు రైన ఒక విద్యార్థిని రైలు కిందపడి ఆత్మహత్య చేసుకుంది. ఈ సంఘటన నిజామాబాద్ జి ల్లా భిక్కనూరు మండలం తలమడ్ల గ్రామంలో శనివారం జరిగింది. కామారెడ్డి మండలం అడ్లూర్ గ్రామానికి చెందిన డిఇడి విద్యార్థిని ముదాం సుస్మిత ఇటీవల జరిగిన ఉపాధ్యాయ అర్హత పరీక్ష రాసింది. శుక్రవారం కామారెడ్డి పట్టణంలోని ఓ ఇంటర్నెట్ సెంటర్‌లో ఫలితాలు చూసుకుంది. బిసి వర్గానికి చెందిన సుస్మిత టెట్‌లో 74 మార్కులు సాధించింది. ఒక్కమార్కు తేడాతో అర్హత కోల్పోవడంతో తీవ్ర మనస్తాపానికి గురైంది. సుస్మిత శుక్రవారం రాత్రి ఇంటికి తిరిగి రాలేదు. దీంతో తల్లి మణెమ్మ, తండ్రి నర్సింలు, కుటుంబ సభ్యులు కుమార్తె కోసం స్నేహితులు, బంధువుల ఇళ్లల్లో వెతికారు. శనివారం ఉదయం తలమడ్ల గ్రామ సమీపంలోని రైల్వే పట్టాలపై శవం కన్పించడంతో గ్రామస్థులు కామారెడ్డి రైల్వే పోలీసులకు సమాచారం అందించారు. వెంటనే పోలీసులు సంఘటన స్థలానికి చేరుకుని మృతురాలిని సుష్మితగా గుర్తించి వారి కుటుంబ సభ్యులకు సమాచారం అందించారు. తలమడ్ల రైల్వేస్టేషన్‌లో ఒక ప్లాట్‌ఫాంపై మేడ్చల్ - నాందేడ్ ప్యాసింజర్ రైలు ఆగి ఉంది. అకోల - కాచిగూడ వెళ్తున్న ఇంటర్‌సిటీ ఎక్స్‌ప్రెస్ మరో రైల్వే లైన్‌మీదుగా వెళ్తుండగా పట్టాల మధ్యలోకి ఓ యువతి రావడాన్ని రైల్వే ప్రయాణికులు గుర్తించారు. రెప్పపాటులో రైలు ఢీకొనడంతో సుస్మిత తలకు తీవ్ర గాయాలై అక్కడికక్కడే మృతి చెందింది.
సుస్మిత (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.