రాష్ట్రీయం
తొక్కిసలాటకు బాధ్యులను తేల్చాలి
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, జూన్ 21: గోదావరి మహా పుష్కరాల తొలి రోజున రాజమహేంద్రవరంలోని పుష్కరాల రేవులో జరిగిన తొక్కిసలాటకు ఎవరు బాధ్యులన్న విషయాన్ని తేల్చాలని పలువురు కోరారు. రానున్న కృష్ణా పుష్కరాలను దృష్టిలో ఉంచుకుని ఇలాంటి దుర్ఘటనలు పునరావృతం కాకుండా జస్టిస్ సోమయాజులు కమిషన్ ప్రభుత్వాలకు తగిన సూచనలు, సలహాలు ఇవ్వాలని విజ్ఞప్తిచేశారు. తొక్కిసలాటపై జస్టిస్ సోమయాజులు స్థానిక ఆర్‌అండ్‌బి అతిధిగృహంలో మంగళవారం విచారణ నిర్వహించారు. మాజీ ఎంపి ఉండవల్లి అరుణ్‌కుమార్, బార్‌కౌన్సిల్ సభ్యుడు ముప్పాళ్ల సుబ్బారావు తదితరులు తమ వద్ద ఉన్న వీడియో, ఫొటో ఆధారాలను కమిషన్ ముందుంచారు. ఈసందర్భంగా ఉండవల్లి మాట్లాడుతూ అంతా తానై వ్యవహరించిన ముఖ్యమంత్రి చంద్రబాబునాయుడు పుష్కరాలరేవులో ఉండగానే తొక్కిసలాట జరిగిందన్నారు. దుర్ఘటనకు తానే ప్రత్యక్ష సాక్షినని ఆయనే చెప్పుకున్నారన్నారు. పుష్కరాల తరువాత విచారణ నిర్వహిస్తామని ప్రకటించిన ముఖ్యమంత్రి యంత్రాంగాన్ని అవార్డులతో సత్కరించారని ఎద్దేవా చేశారు.
భారీగా జనసమీకరణ జరిగే ఉత్సవాలకు ప్రముఖులు హాజరుకారాదన్నారు. వైపరీత్యాల నివారణ మార్గదర్శకాల్లోనే ఈఅంశం స్పష్టంగా ఉందన్నారు. మంచినీరు, ఆక్సిజన్ అందకే 29 మరణించారన్నారు. ముఖ్యమంత్రి భద్రతపై దృష్టిసారించిన యంత్రాంగం సామాన్య భక్తుల భద్రత గురించి పట్టించుకోలేదన్నారు. పుష్కరాలరేవులో భారీగా భక్తులు వేచి ఉన్న సమయంలోనే ముఖ్యమంత్రిని అక్కడి నుంచి పంపించేందుకు ఒక్కసారిగా బారికేడ్లు ఎత్తివేయడం వల్లే తోపులాట, తొక్కిసలాట జరిగాయని ఉండవల్లి పేర్కొన్నారు. అంతర్జాతీయంగా ప్రచారం కోసం పాకులాడే క్రమంలోనే ఈదుర్ఘటన జరిగిందన్నారు. నేషనల్ జియోగ్రాఫిక్ చానెల్ ద్వారా పుష్కరాలను ప్రపంచానికి తెలియజేసే ప్రయత్నం చేశారని ఆయన చెప్పారు. పుష్కరాల ఏర్పాట్లు తదితర అంశాలను పర్యవేక్షించిన మంత్రివర్గ ఉప సంఘాన్ని, ముఖ్యమంత్రిని విచారిస్తేనే అసలు వాస్తవాలు బయటపడతాయన్నారు.
న్యాయవాది ముప్పాళ్ల సుబ్బారావు మాట్లాడుతూ తొక్కిసలాట అనంతరం భక్తులను పట్టించుకున్న నాధుడే లేడన్నారు. ప్రభుత్వం తన ప్రచారం కోసం భక్తులందర్నీ పుష్కరాలరేవుకే తరలించిందన్నారు. సిపిఎం అర్బన్‌జిల్లా కార్యదర్శి టి అరుణ్ మాట్లాడుతూ జిల్లా కలెక్టర్ సమర్పించిన అఫిడవిట్‌లో తొక్కిసలాట జరిగిన సమయం, ప్రదేశాన్ని పేర్కొనలేదని, అలాగే ముఖ్యమంత్రి ఎంతసేపు రేవులో గడిపారన్నది కూడా తెలియజేయలేదన్నారు. వైసిపి కేంద్రకమిటీ సభ్యురాలు జక్కంపూడి విజయలక్ష్మి మాట్లాడుతూ రూ.10 కోట్లతో విఐపి ఘాట్‌ను ఎందుకు నిర్మించారని ఆమె ప్రశ్నించారు. ప్రముఖ న్యాయవాది మద్దూరి శివసుబ్బారావు కమిషన్‌కు సహకరించారు.
ప్రభుత్వం తరుపున సిహెచ్ ప్రభాకరరావు వాదనలు వినిపించారు. అనంతరం విచారణను ఈనెల 23వ తేదీకి వాయిదా వేసినట్టు జస్టిస్ సోమయాజులు ప్రకటించారు. ఆ రోజు నాటికి సంఘటనకు, ఏర్పాట్లు, ఇతర అంశాలకు సంబంధించిన ఆధారాలను సమర్పించాలని అధికార్లను ఆదేశించారు.
చిత్రం జస్టిస్ సోమయాజులు కమిషన్ ఎదుట వాదనలు వినిపిస్తున్న ఉండవల్లి, ముప్పాళ్ల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.