రాష్ట్రీయం
కాల్‌మనీ ప్రకంపనలు!
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 15:కాల్‌మనీ కేసులో మంగళవారం కీలక పరిణామాలు చోటుచేసుకున్నాయి. మొదటినుంచీ ఈ కేసులో నిందితులపై ఉక్కుపాదం మోపుతున్న విజయవాడ పోలీస్ కమిషనర్ గౌతమ్ సవాంగ్ అకస్మాత్తుగా 15 రోజులు సెలవుపై వెడుతున్నారు. ఇందులో రాజకీయమేమీ లేదని డిజిపి స్వయంగా ప్రకటించినా, ప్రభుత్వ ఒత్తిళ్లు తట్టుకోలేకే సిపి సెలవుపై వెడుతున్నారని విపక్షాలు మండిపడుతున్నాయి. మరోవైపు కాల్‌మనీ వ్యవహారాన్ని జాతీయ మానవ హక్కుల సంఘం తీవ్రంగా పరిగణించింది. రెండు వారాల్లో సమగ్ర నివేదిక ఇవ్వాల్సిందిగా ఆంధ్రప్రదేశ్ ప్రభుత్వాన్ని ఆదేశించింది. కాగా విజయవాడలో టిడిపి ఎమ్మెల్సీ బుద్దా వెంకన్న సోదరుడు నాగేశ్వరరావు, మహిళా కార్పొరేటర్ భర్త కొండలుతోపాటు 60మందిని అదుపులోకి తీసుకున్నారు.
కాల్‌మనీ ప్రకంపనలు గుంటూరు, కడప, తూర్పు గోదావరి, విశాఖ జిల్లాలకు కూడా పాకాయి. కడపలో సుమారు వందమందిని పోలీసులు అదుపులోకి తీసుకున్నారు. గుంటూరులో వడ్డీ వ్యాపారులు, రాజకీయ ప్రముఖుల ఇళ్లలో సోదాలు జరిపారు.
బయటకు వస్తున్న బాధితులు
ఈ వ్యవహారంలో ఇప్పటికే ఏడుగురిపై కేసులు నమోదు చేశారు. ఇద్దరిని అరెస్ట్ చేసి రిమాండ్‌కు పంపారు. రౌడీయిజం, ప్రైవేట్ పంచాయతీలకు ప్రసిద్ధిగాంచిన విజయవాడ నగరంలో తొలిసారిగా గృహిణులు, అభం శుభం తెలియని విద్యార్థినులు, యువతులను కూడా ఈ కాల్‌మనీ వ్యవహారంలోకి లాగేయడంతో రాష్టవ్య్రాప్తంగా ప్రజలు కోపోద్రిక్తులవుతున్నారు. ముఖ్యమంత్రి కూడా కాల్‌మనీ సొమ్మును ఎవరూ తిరిగి చెల్లించవద్దని భరోసా ఇవ్వటంతో రాష్టవ్య్రాప్తంగా బాధితులు పెద్ద సంఖ్యలో పోలీసులను ఆశ్రయించడం ప్రారంభించారు. ఈ నేపథ్యంలో మంగళవారం రాష్టవ్య్రాప్తంగా కాల్‌మనీ వడ్డీ వ్యాపారులకు సంబంధించిన 300 పైగా ప్రదేశాల్లో ఏక కాలంలో దాడులు జరిగాయి. ఈ సందర్భంగా 938 ప్రామిసరీ నోట్లు, 100 పైగా ఖాళీ సంతకాలతో కూడిన చెక్‌బుక్‌లు, వందలాది ఆస్తి తాకట్టు పత్రాలు, 40 లక్షల రూపాయలు పైగా నగదు లభించినట్లు తెల్సింది. అసలు ఈ కాల్‌మనీ మూలాలు నెల రోజుల క్రితం పశ్చిమ గోదావరి జిల్లాలోనే వెలుగు చూసినట్టు తాజాగా తెలుస్తోంది. సెల్ఫీలో మరణ వాంగ్మూలం ఇచ్చి ఆత్మహత్య చేసుకున్న కృపామణి మృతికి కూడా కాల్‌మనీ వ్యవహారమే కారణమన్న దిశగా పోలీసులు దర్యాప్తు ప్రారంభించారు.
సెలవుపై కమిషనర్ సవాంగ్
కాల్‌మనీ కేసులో మొదటినుంచీ చురుగ్గా వ్యవహరిస్తున్న నగర పోలీస్ కమిషనర్ గౌతమ్ సవాంగ్ 17నుంచి సెలవుపై వెడుతున్నట్టు తెలియడంతో బాధితులు ఒక్కసారిగా హతాశులయ్యారు. ఎంతటివారినైనా వదిలేది లేదని, నిర్మొహమాటంగా విచారణ జరిపి మరికొన్ని శక్తులను కటకటాల వెనక్కి నెడతామని చెప్పిన సవాంగ్, కొన్ని గంటలైనా కాకముందే సెలవుపై వెడుతున్నట్టు సమాచారం రావడంతో దీని వెనుక కుట్ర ఉందని అటు విపక్షాలు, ఇటు కాల్‌మనీ కేసులో బాధితులు కూడా ఆరోపిస్తున్నారు. అయితే సవాంగ్ సెలవుపై వెళ్లడానికి రాజకీయ ఒత్తిళ్లు కారణం కాదని, ఆయన గత నెల 24నే సెలవుకోసం దరఖాస్తు చేసుకున్నారని స్వయంగా డిజిపి రాముడు చెప్పారు. అయితే ఇంత పెద్ద కేసు దర్యాప్తు చేస్తున్న సమయంలో సెలవుపై పంపడమేమిటనీ, సెలవు రద్దు చేయవచ్చు కదాని విపక్షాలు నిలదీస్తున్నాయి. సవాంగ్ స్థానంలో అదనపు డిజి సురేంద్ర బాబును ఇన్‌చార్జి కమిషనర్‌గా నియమించారు. ఇదిలాఉండగా కాల్‌మనీ వ్యాపారం పోలీసు శాఖ పరిధిలోనే లేదని డిజిపి జెవి రాముడు చెబుతుండటం గమనార్హం. అయితే అధిక వడ్డీ వసూలుతో పాటు సొమ్ము వసూలు కోసం వేధిస్తే పోలీస్ శాఖ చూస్తూ ఊరుకోదన్నారు.
చిత్రం... మీడియాతో మాట్లాడుతున్న డిజిపి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.