రాష్ట్రీయం
ఇడి గుర్తించిన అక్రమాస్తులను సర్కారుకు అప్పగించండి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, జూలై 3: వైకాపా అధినేత వైఎస్ జగన్‌కు సంబంధించి ఇడి గుర్తించిన అక్రమ ఆస్తులను ఆయన స్వచ్ఛందంగా ప్రభుత్వానికి అప్పగించాలని ఆంధ్రప్రదేశ్ పురపాలక శాఖ మంత్రి నారాయణ హితవు పలికారు. ఆదివారం తిరుపతిలో పలు కార్యక్రమాల్లో పాల్గొన్న ఆయన విలేఖరులతో మాట్లాడుతూ ఇడి గుర్తించిన జగన్ ఆస్తులన్నీ ప్రజల సొమ్మన్నారు. అందుకే ఆయన ఆ ఆస్తులను ప్రభుత్వానికి అప్పగించడం ఒక్కటే మార్గమన్నారు. రాష్ట్రంలో ఒక మంచి ప్రతిపక్ష నాయకుడిగా వ్యవహరించడంలో జగన్ పూర్తిగా విఫలమయ్యారని విమర్శించారు. రాష్ట్భ్రావృద్ధి నిరోధకుడిగా జగన్ తయారయ్యారని ధ్వజమెత్తారు. ఎక్కడైనా మనకు తెలిసినవారు ఒక ఇల్లు కట్టుకుంటే ఎంతో సంతోషిస్తామన్నారు. అలాంటిది రాష్ట్ర విభజన నేపథ్యంలో రాజధానిని ఏర్పాటు చేయడానికి ముఖ్యమంత్రి చంద్రబాబునాయుడు అహర్నిశలు కృషి చేస్తుంటే సహకరించాల్సిన జగన్ వాటిని అడ్డుకునే ప్రయత్నం చేస్తున్నారని నిప్పులు చెరిగారు. రాజధానికి శంకుస్థాపన చేసే సమయంలో తనను ఆహ్వానించడానికి ఎవ్వరూ రావద్దని చెప్పడమే జగన్ ఎంత అభివృద్ధి నిరోధకుడో తెలియజేస్తోందన్నారు. ఇప్పటికైనా జగన్ ప్రభుత్వానికి సహకరించాలని ఆయన హితవు పలికారు. ఈ ఏడాది అక్టోబర్, నవంబర్ మాసాల్లో తిరుపతి నగరపాలక సంస్థకు ఎన్నికలు నిర్వహించే అవకాశం ఉందని నారాయణ విలేఖరులు అడిగిన ఒక ప్రశ్నకు సమాధానంగా తెలిపారు.
చిత్రం.. మంత్రి నారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.