రాష్ట్రీయం
అనాథగా మారిన అమ్మాయి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/శంషాబాద్, జూలై 5: ఇద్దరూ ప్రేమించుకునే పెళ్లి చేసుకున్నారు. భర్తపై ప్రేమతో ఎక్కడో ఆఫ్రికా దేశం కాంగో నుంచి భారత్‌కు వచ్చి భర్తతో అన్యోన్యంగానే కాపురం చేస్తోంది. ఇద్దరికీ ముద్దులొలికే కూతురూ జన్మించింది. ఎనిమిదేళ్ల పాటు సంతోషంగానే గడిపారు. వాళ్ల కాపురంలోకి ఫేస్‌బుక్ నట్టింట మృత్యువులా ప్రవేశించింది. ఫేస్‌బుక్‌లో ఆమె ఓ విదేశీ కుర్రాడితో మొదలుపెట్టిన స్నేహం, చాటింగ్ ప్రేమగా మారి.. భర్తనే కాదనుకునే పరిస్థితికి తీసుకువచ్చింది. అప్పటికీ ఆమె ఆ విషయాన్ని దాచే ఉంచింది. కానీ అతనికి మాత్రం తెలిసిపోయింది. అంతే.. ఆవేశం ఆగలేదు.. ఆగ్రహం కట్టలు తెంచుకుంది. ఆమెను నిలదీశాడు.. గొడవపడ్డాడు.. చివరకు తట్టుకోలేక గొంతు నులిమి చంపేశాడు. రెండు పొడవాటి కత్తులు తెచ్చి తాను ప్రేమించి, పెళ్లిచేసుకుని.. తానే చంపుకున్న భార్యను 16 ముక్కలుగా నరికాడు. ఓ బ్యాగులో ఆ మృతదేహపు ముక్కల్ని పెట్టుకుని.. ఏమీ తెలియని కన్నకూతుర్ని వెంటేసుకుని ఎవరూ తెలియని ప్రాంతానికి వెళ్లి తగులబెట్టాడు. స్థానికులు పట్టుకుని పోలీసులకు అప్పగించటంతో జైలుపాలయ్యాడు. చివరకు ఆ దంపతుల సంతానం ఏడేళ్ల పసికూన ఎవరి ఒళ్లో నిద్రపోవాలో తెలియక అనాథలా మారి అమాయకంగా దిక్కులు చూస్తున్న దృశ్యం అందరినీ కలచివేస్తోంది.
హైదరాబాద్‌లో సంచలనం సృష్టించిన సింథియా హత్య కేసు నేపథ్యం ఇది. ఈ కేసులో పోలీసులు దర్యాప్తును ముమ్మరం చేశారు. భార్యను కిరాతకంగా హత్య చేసి ముక్కలు, ముక్కలుగా కాల్చి చంపిన భర్తను రిమాండ్‌కు తరలించారు. శంషాబాద్ సమీపంలోని మదనపల్లి వద్ద మృతదేహాన్ని కనుగొన్న పోలీసులు సంఘటనా స్థలంలోనే పోస్టుమార్టం నిర్వహించారు. హైదరాబాద్ గచ్చిబౌలిలో నివాసముంటున్న రూపేష్‌కుమార్ ఇంటర్ పూర్తికాగానే సౌత్ ఆఫ్రికాకు వెళ్లాడు. సౌతాఫ్రికా కాంగోకు చెందిన సింథియా(32)అనే యువతిని ప్రేమించి 2008లో ఓ చర్చిలో వివాహం చేసుకున్నాడు. అక్కడి నుంచి హైదరాబాద్ వచ్చి కాపురముంటున్నాడు. వారికి ఏడు సంవత్సరాల కూతురు సానియా ఉంది. కాగా రూపేష్‌కుమార్ గత కొన్ని రోజులుగా షేర్ మార్కెట్ బిజెనెస్ చేస్తున్నాడు. సింథియా గత ఏడు నెలలుగా ఫేస్‌బుక్‌లో చాటింగ్ చేస్తోంది.
ఫ్రాన్స్‌కు చెందిన ఓ యువకుడితో ఫేస్‌బుక్ పరిచయం ఏర్పడింది. సింథియా, ఫ్రెంచ్ యువకుడు త్వరలోనే పెళ్లి చేసుకోవాలని నిర్ణయించుకున్నట్టు ఫేస్‌బుక్ చాటింగ్ ద్వారా భర్త రూపేష్ గుర్తించాడు. ఇది జీర్ణించుకోలేకపోయిన రూపేష్ భార్యతో గొడవపడి ఈ నెల 3న ఆమెను గొంతు నులిమి హత్య చేశాడు. ఉదయమే కూతురు సానియాను స్కూలుకు పంపించి, తిరిగి వస్తూ, రెండు కత్తులు తెచ్చాడు. భార్య మృతదేహాన్ని 16 ముక్కలుగా నరికి ఓ బ్యాగ్‌లో సర్దాడు. సాయంత్రం సానియా ఇంటికి వచ్చిన తరువాత కూతురును కారులోని ముందు సీట్లో కూర్చోబెట్టుకున్నాడు. శంషాబాద్ పరిధిలోని మదనపల్లి పక్కనే వున్న గ్రీన్‌సిటీ వెంచర్‌కు చేరుకున్నాడు. కారులోని సూట్‌కేసును తెరవకుండానే దానిపై పెట్రోలు పోసి తగులబెట్టాడు. తిరిగి వెళ్తుండగా కారు మట్టిదిబ్బలో దిగబడింది. అంతలో చుట్టు ప్రక్కల వారు కారు వద్దకు చేరుకున్నారు. కారు సీటు ముందు కూర్చున్న బాలిక ఎవరని అడిగారు. పక్కనే మంటలు లేస్తుండగా గమనించిన స్థానికులకు రూపేష్ తటపటాయిస్తూ సమాధానం చెప్పడంతో అనుమానం వచ్చిన స్థానికులు పోలీసులకు సమాచారం అందించారు.
సమాచారం అందుకున్న పోలీసులు రూపేష్‌ను అదుపులోకి తీసుకొని విచారించగా అసలు విషయం బయటపడిందని శంషాబాద్ డిసిపి సన్‌ప్రీత్ సింగ్, ఎసిపి అనురాధ మంగళవారం మీడియాకు వివరించారు. రూపేష్ కూతురు సానియాను అతని కుటుంబ సభ్యులకు అప్పగించినట్టు చెప్పారు. సింథియా మృతదేహాన్ని సంఘటనా స్థలంలోనే పోస్టుమార్టం నిర్వహించారు.
చిత్రాలు.. రూపేష్, సింథియా, సానియా (ఫైల్ ఫొటో)
విలేఖరులకు వివరాలు వెల్లడిస్తున్న డిసిపి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.