రాష్ట్రీయం
కృష్ణా డెల్టా పంట పండింది
S ,7 à 8 RSCA (si SASPAS) et 6 cialis pharmacie cialis rapports de stage.
ఏలూరు, జూలై 5 : ఎన్నో సీజన్లుగా సరైన పంటకు నోచుకోని కృష్ణా డెల్టా రైతాంగంలో ఆశల హరివిల్లు విరుస్తోంది. దేశంలోనే మొట్టమొదటి సారిగా నదుల అనుసంధానానికి శ్రీకారం చుట్టిన పట్టిసీమ ఎత్తిపోతల పథకం నుండి మరోసారి కృష్ణాడెల్టాకు సాగునీరు అందిం చే ప్రక్రియ ప్రారంభం కానుంది. ముఖ్యమంత్రి చంద్రబాబునాయుడు బుధవారం ఈ కార్యక్రమాన్ని ప్రారంభించనున్నారు. పట్టిసీమ ఎత్తిపోతల పధకాన్ని సంవత్సరంలోగా పూర్తి చేసి సాగునీరు అందిస్తామని ప్రారంభ సమయంలోనే ప్రభుత్వం స్పష్టంగా చెప్పింది. దానికి తగ్గట్టుగానే ఈ ప్రాజెక్టు పనులను శరవేగంగా ముందుకు తీసుకువెళ్లింది. ప్రస్తుతం వున్న పరిస్థితి చూస్తే ఈ పథకానికి సంబంధించి మొత్తం అన్ని పంపులు నీటి తరలింపునకు పూర్తిస్థాయిలో సిద్ధమయ్యాయి. అలాగే ఈ నీరు ప్రవహించాల్సిన పోలవరం కుడికాలువకు సంబంధించి ఇబ్బందులు లేకుండా ఏర్పాట్లు కూడా పూర్తయ్యాయనే చెప్పాలి. వాస్తవానికి ఈ కాలువపై పలు చోట్ల కట్టడాలు నిర్మించాల్సివున్నా, ప్రత్యేకమైన ఏర్పాట్లద్వారా నీటి ప్రవాహానికి ఇబ్బంది లేకుండా చేశారు. ప్రస్తుతం కృష్ణాలో వున్న పరిస్థితి చూస్తుంటే ఈసారికి కృష్ణాజలాలు వచ్చే అవకాశాలు దాదాపుగా లేనే లేవని చెప్పాలి. ఇదే అంశం స్వయంగా అమాత్యులు కూడా ఇంతకుముందు స్పష్టంచేశారు. దానికి తగ్గట్టుగానే ఎగువ భాగంలో పరిస్థితులు కూడా ఉన్నాయి. దీనితో ఈసారి కృష్ణా డెల్టాలో వ్యవసాయ పనులు మూలనపడ్డట్లేనని భావించారు. ఇదే సమయంలో గోదావరిలో పరిస్థితి చూస్తే ఇటీవల కురిసిన భారీ వర్షాలు కారణంగా పెద్ద ఎత్తున వరదనీరు గోదావరిలోకి చేరుకుంది. ఇదంతా నేరుగా ధవళేశ్వరం బ్యారేజీ వద్దకు చేరుకుంటున్నా అక్కడ నిల్వ సామర్ధ్యం లేకపోవడంతో లక్షల క్యూసెక్కుల గోదావరి జలాలు వృధాగా సముద్రంలో కలిసిపోతున్నాయి. గత కొద్దిరోజుల నుంచి చూసుకున్నా దాదాపు మూడు లక్షల క్యూసెక్కుల గోదావరి జలాలు సముద్రంలో కలిసిపోయాయని అంచనా. ఇక ఈ వర్షాలు కారణంగా గోదావరిలో వచ్చి చేరిన జలాల్లో ఏడు లక్షల క్యూసెక్కులకు పైగా నీరు సముద్రంలో కలిసి పోయినట్లు అంచనా వేస్తున్నారు. ఈ విధంగా సముద్రంలో వృధాగా కలిసి పోతున్న నీటిని ఒడిసిపట్టి పట్టిసీమ ద్వారా పోలవరం కుడికాలువకు మళ్లించి ఆ నీటిని కృష్ణాడెల్టాకు తీసుకువెళ్లే బృహత్తర ప్రయత్నం బుధవారం నుంచి ప్రారంభం కానుంది. ఈ ప్రయత్నం అనుకున్న రీతిలో ముందుకు సాగితే ఈ సీజన్‌కు కృష్ణా డెల్టాలో వ్యవసాయ పనులు మళ్లీ ఎన్నో సీజన్ల తరువాత కనిపించే పరిస్థితి లేకపోలేదు. గత ఏడాది కూడా ఇదే విధంగా పట్టిసీమ నుంచి గోదావరి జలాలను కృష్ణా డెల్టాకు తరలించడం ద్వారా వందల కోట్ల రూపాయల విలువైన పంటను కాపాడగలిగారు. ఈసారి ముందుగానే ఈ జలాలను అనుకున్న స్థాయిలో తరలించగలిగితే కృష్ణా డెల్టా పచ్చని పంటలతో అలరారే అవకాశాలు భారీగా మెరుగుపడ్డట్లేనని భావించవచ్చు.
బుధవారం నాటి కార్యక్రమాల్లో రాష్ట్ర ముఖ్యమంత్రి చంద్రబాబునాయుడు ఉదయం 9.30 గంటలకు పట్టిసీమ ప్రాజెక్టు వద్దకు చేరుకుంటారు. అక్కడ గోదావరి జలాలను విడుదల చేస్తారు. ఆ తరువాత ఇటుకల కోట సమీపంలోని డెలివరీ పాయింట్‌కు చేరుకుని అక్కడ ప్రవాహ తీరును గమనిస్తారు. అలాగే పోలవరం ప్రాజెక్టు పనులు జరుగుతున్న తీరును కూడా ఆయన పరిశీలించనున్నారు. అనంతరం అధికారులతో సమీక్షించి పోలవరం కుడి, ఎడమ కాలువల నిర్మాణ పనితీరును పరిశీలిస్తారు.
చిత్రం.. పట్టిసం ఎత్తిపోతల వద్ద ఏర్పాట్లు పరిశీలిస్తున్న మంత్రులు దేవినేని, పీతల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.