రాష్ట్రీయం
నేటి నుంచే పల్స్ సర్వే
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూలై 7: రాష్ట్రంలో శుక్రవారం నుంచి ప్రజా సాధికారిక సర్వే (స్మార్ట్ పల్స్ సర్వే) ప్రారంభం కానుంది. ఈనెలాఖరులోగా అంటే 22 రోజుల్లోగా ఈ సర్వేను రాష్టవ్య్రాప్తంగా పూర్తి చేయడానికి ప్రభుత్వం కసరత్తు ప్రారంభించింది. ముఖ్యమంత్రి నివాస గృహం నుంచి ఈ సర్వేను శుక్రవారం ప్రారంభించనున్నారు. సర్వేలో వివరాలు ఇచ్చేందుకు సిఎం కుటుంబ సభ్యులంతా ఇప్పటికే ఉండవల్లిలోని సిఎం నివాస గృహానికి చేరుకున్నారు. ప్రస్తుతం నిర్వహిస్తున్న ఈ సర్వే చాలా కీలకమైనది. రాష్ట్రంలో నివసిస్తున్న ప్రతి వ్యక్తి పూర్తి వివరాలు ప్రభుత్వం వద్ద ఉండాలన్న లక్ష్యంతో ఈ సర్వే నిర్వహిస్తోంది. ఏయే కులాలకు చెందిన వారు ఏయే స్థితిలో ఉన్నారని తెలుసుకునేందుకు ఈ సర్వే ఉపయోగపడుతుంది. అలాగే చాలా సమస్యలను రియల్ టైమ్‌లో పరిష్కరించడానికి అవకాశం ఉంటుందని ప్రభుత్వం అభిప్రాయపడుతోంది. ప్రతి వ్యక్తి సామాజిక, ఆర్థిక స్థితిగతులను ఈ సర్వేలో సేకరించనున్నారు. మారుమూల గ్రామాల్లో ఉన్న వారి వివరాలను కూడా సేకరించేందుకు ఏర్పాట్లు చేశారు. ఇప్పటికే ఎన్యూమరేటర్లను నియమించారు. ప్రతి జిల్లాకు ఒక కో-ఆర్డినేటర్‌ను ప్రభుత్వం నియమించింది. పశ్చిమ గోదావరి జిల్లాకు ఇద్దరు ఐఎఎస్ అధికారులను కో-ఆర్డినేటర్లుగా నియమించింది. సర్వేపై ప్రజల్లో ఏమైనా అపోహలుంటే అధికారులు ముందుగానే వాటిని నివృత్తి చేస్తారు. సర్వేకు ఇంటికి వచ్చిన ఎన్యూమరేటర్లకు ఇప్పటికే తమ వద్ద ఆధార్ కార్డు, రేషన్ కార్డు, పాన్ కార్డు వంటి కార్డులను చూపించాల్సి ఉంది. ఒకవేళ ఆధార్ కార్డులో తప్పులు దొర్లితే, ఆ విషయాన్ని ఎన్యూమరేటర్ల దృష్టికి తీసుకువెళితే, వాటిని సవరించేందుకు చర్యలు తీసుకుంటారు. ప్రజల వివరాలను ఆల్‌లైన్‌లో నమోదు చేయనున్నారు. ఇప్పటికే సర్వేకు అవసరమైన ఎలక్ట్రానిక్ పరికరాలను ప్రభుత్వం ఎన్యూమరేటర్లకు అందచేసింది. 2జి, 3జి టెక్నాలజీని ఉపయోగించి ఆన్‌లైన్ ద్వారా వివరాలు నమోదు చేస్తారు. 2జి, 3జి సిగ్నల్స్ లేని చోట మాత్రమే మాన్యువల్‌గా వివరాలు నిమోదు చేయాలని ప్రభుత్వం ఎన్యూమరేటర్లకు సూచించింది. ఇక్కడో ఆసక్తికరమైన విషయం ఏంటంటే గతంలో ఎక్కడో ఒక చోట కూర్చుని వివరాలు సేకరిస్తే సరిపోదు. ఎన్యూమరేటర్ విధిగా ఇంటింటికి వెళ్లి వివరాలు సేకరించాలి. జియో ట్యాగింగ్ ద్వారా ఎన్యూమరేటర్ల కదలికలను కూడా జిల్లా కో-ఆర్డినేటర్లు పరిశీలించనున్నారు. ఇప్పటికే రాష్ట్ర ప్రజలకు సంబంధించి 60 శాతం వివరాలు ప్రభుత్వం వద్ద ఉన్నాయి. మరో 40 శాతం వివరాలు అందిందే పాలను మరింత సులభంగా చేయచ్చని ప్రభుత్వం భావిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.