రాష్ట్రీయం
మొక్కకు మొక్కుదాం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/నల్లగొండ, జూలై 7: దేశంలో మిగులు బడ్జెట్ కలిగిన రెండు రాష్ట్రాల్లో తెలంగాణ ఒకటి. ఆదాయ వృద్ధిలో దేశంలోనే తెలంగాణ నంబర్ వన్. పరిపాలనలో కెసిఆర్‌ను దేశంలోనే ఉత్తమ ముఖ్యమంత్రిగా ఒక సర్వేలో దేశ ప్రజలు ఎంపిక చేశారు. ఇలా ఎన్నో రికార్డులను సొంతం చేసుకుంటున్న తెలంగాణ రాష్ట్రం మరో రికార్డును సాధించే దిశగా అడుగులు వేస్తోంది. మొక్కలు నాటడంలో తెలంగాణ సరికొత్త రికార్డు సృష్టించబోతోంది. ఒకేరోజు (శుక్రవారం) లక్షమంది పాల్గొని 163 కిలోమీటర్లు దారి పొడవునా మొక్కలు నాటబోతున్నారు. ఇందులోభాగంగా ఒక్క హైదరాబాద్ నగరంలోనే 25 లక్షల మొక్కలు నాటబోతున్నారు. ఒక సీజన్‌లో 46 కోట్ల మొక్కలను నాటబూనడం కూడా రికార్డే. ప్రతిష్ఠాత్మకంగా చేపట్టిన హరితహారం కార్యక్రమాన్ని ముఖ్యమంత్రి శుక్రవారం నల్లగొండ జిల్లాలో శ్రీకారం చుట్టబోతున్నారు. పాఠశాల విద్యార్థి మొదలుకుని గవర్నర్, ముఖ్యమంత్రి వరకు హరితహారంలో భాగస్వామ్యం అయ్యే విధంగా కార్యక్రమాన్ని ప్రభుత్వం రూపొందించింది. నల్లగొండ జిల్లా చిట్యాల మండలం గుండ్రాంపల్లిలో జాతీయ రహదారి వెంట మొక్కలు నాటే కార్యక్రమాన్ని ప్రారంభిస్తారు. హరితహారం కార్యక్రమం కొత్తేమీ కాకపోయినా దీనినో యజ్ఞంగా, ప్రజా ఉద్యమంగా కెసిఆర్ సిద్ధిపేట ఎమ్మెల్యేగా ఉన్నప్పుడే చేపట్టారు. ఒకేరోజు కేవలం ఐదు నిమిషాల వ్యవధిలో సిద్దిపేటలో 15 వేల మొక్కలను నాటించి అప్పట్లో కెసిఆర్ ప్రశంసలు అందుకున్నారు. హరితహారం కార్యక్రమానికి నిరుడే శ్రీకారం చుట్టినప్పటికీ వర్షాభావ పరిస్థితుల వల్ల అనుకున్న లక్ష్యాన్ని సాధించలేకపోయారు.రాష్ట్రంలో అటవీ ప్రాంత విస్తీర్ణాన్ని పెంచాలని ముఖ్యమంత్రి కంకణం కట్టుకున్నారు. ‘కోతలు అడవికి వాపస్ పోవాలి, వానలు వాపస్ రావాలి’ నినాదంతో హరితహారం కార్యక్రమానికి ముఖ్యమంత్రి ప్రణాళిక సిద్ధం చేశారు. ఈ ఏడాదికి కావాల్సిన 46 కోట్ల మొక్కలను పెంచేందుకు నిరుడు 3500 నర్సరీలను, ఈ ఏడాది 4213 నర్సరీలను ప్రభుత్వం ఏర్పాటు చేసింది. పూలు, పండ్లు, నీడనిచ్చే మొక్కలతో పాటు ఔషధ మొక్కలను కూడా పెంచింది. ఇలాఉండగా శుక్రవారం నిర్వహించనున్న హరితహారం కార్యక్రమాన్ని హెలిక్యాప్టర్ ద్వారా ముఖ్యమంత్రి ఏరియల్ సర్వే చేయనున్నారు.
మొక్క నాటుతున్న ముఖ్యమంత్రి కెసిఆర్ (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.