రాష్ట్రీయం
బిడ్డకు పునర్జన్మ ఇచ్చిన తల్లి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 14: ప్రాణాంతక కాన్సర్ వ్యాధితో బాధపడుతున్న రెండేళ్ల బాబుకు అరుదైన లివర్ ట్రాన్స్‌ప్లాంటేషన్ సర్జరీని యశోద ఆసుపత్రి వైద్యబృందం విజయవంతంగా నిర్వహించింది. పిల్లాడి తల్లి స్వయంగా తన లివర్‌లోని కొంత భాగాన్ని దానం చేయడంతో ఎనిమిది గంటలకు పైగా శ్రమించిన యశోద లివర్ ట్రాన్స్‌ప్లాంటేషనన్ వైద్య బృందం మృత్యువాకిట నిలిచిన రెండేళ్ల బాబుకు కాలేయ మార్పిడి శస్త్ర చికిత్స ద్వారా కొత్త జీవితాన్ని ప్రసాదించారు. గురువారం సికింద్రాబాద్ యశోద ఆసుపత్రి కాన్ఫరెన్స్ హాల్‌లో విలేకరుల సమావేశం ఏర్పాటుచేసిన వైద్యులు కాలేయ మార్పిడి చీఫ్ సర్జన్ డా.పి.బాలచంద్రన్ మీనన్, అమిర్ దీప్ యాదవ్, ప్రేమ్‌కుమార్, టి.పి.కార్తీక్, భరత్ వాశ్వినిలు సర్జరీ గురించిన వివరాలు వెల్లడించారు.
ఖమ్మం జిల్లా కొత్తగూడెంకు చెందిన రమణ, మనోహర్ దంపతుల ఏకైక సంతానం రెండేళ్ల మాస్టర్ మహసిన్ దత్తా హెపటోబ్లిస్టోమా అనే ప్రాణాంతకమైన కాలేయ కాన్సర్‌తో బాధపడుతున్నాడు. అతని తల్లిదండ్రులు జనవరిలో తమ బాబును సికింద్రాబాద్‌లోని యశోదా ఆసుపత్రికి తీసుకువచ్చారు. బాబును పరీక్షించిన చిన్న పిల్లల డాక్టర్ వయసుకు తగ్గ బరువు, ఎదుగుదల బాబుకు లేకపోవడం గమనించారు. బాబు పొత్తికడుపులో కణితితోపాటు ఛాతిలో ఇన్‌ఫెక్షన్ ఉన్నట్టు పరీక్షల్లో తేలింది. లివర్ కాన్సర్ సంబంధిత లక్షణాలుగా భావించిన సదరు వైద్యులు వెంటనే మెడికల్ ఆంకాలజిస్ట్ లివర్ ట్రాన్స్‌ప్లాంటేషన్ సర్జన్లను కలిసి మరింత లోతుగా అధ్యయనం చేసి లివర్ మార్పిడి ఒక్కటే పరిష్కారమని తేల్చారు. లివర్ మార్పిడికి సంబంధించిన అత్యధిక పరిజ్ఞానం, శిక్షితులైన వైద్య బృందం యశోద ఆసుపత్రిలో అందుబాటులో వున్నా బాబు వయసురీత్యా శస్త్ర చికిత్స అత్యంత క్లిష్టమైనట్టు పేర్కొన్నారు. తమ బాబును ఎలాగైనా బతికించాలని అందుకు లివర్‌ను దానం చేయడానికి సిద్ధంగా వున్నట్టు తల్లి తెలపడంతో యశోద వైద్య బృందం సిద్ధమైనట్టు తెలిపారు. ముందు మూడు స్టేజిలలో బాబుకు అత్యాధునిక కిమోథెరపీతో కాన్సర్‌కు చికిత్స అందించి అతని శరీరాన్ని సర్జరీకి తట్టుకునే స్థాయికి తీసుకురావడమే కాకుండా చాతిలో వున్న ఇన్‌ఫెక్షన్‌ను, పొత్తి కడుపులోవున్న కాన్సర్ కణితిని నిర్మూలించడం ఆ తర్వాత చివరి స్టేజిలో శస్త్ర చికిత్స ద్వారా లివర్ మార్పిడికి డాక్టర్ల బృందం సమాయత్తమయ్యారు. డాక్టర్ల బృందం కలిసి నిర్ణయించిన విధానాన్ని ఫిబ్రవరి, మార్చి, ఏప్రిల్ నెలల్లో కిమో థెరపీ ద్వారా బాబుకు మూడు స్టేజిల చికిత్స ప్రక్రియను విజయవంతంగా పూర్తి చేసినట్టు యశోదా డాక్టర్లు తెలిపారు. ఇక చివరిదైన అత్యంత క్లిష్టతరమైన లివర్ మార్పిడి శస్త్ర చికిత్సను మే నెల 26న యశోద వైద్య బృందం విజయవంతంగా చేసారు.
చిత్రం.. తల్లి రమణతో మాస్టర్ మహసిన్ దత్తా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.