రాష్ట్రీయం
వర్గీకరణ సమావేశం రసాభాస
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 5: ఎస్సీ రిజర్వేషన్ల వర్గీకరణ షెడ్యూలు కులాల మధ్య చిచ్చు పెడుతోంది. ఇప్పటికే పలుసార్లు మాల, మాదిగా సామాజికవర్గాలకు చెందిన నేతలు బాహాబాహీగా దిగగా, తాజాగా శుక్రవారం ఎస్సీ వర్గీకరణ ప్రజాస్వామికం అన్న అంశంపై శుక్రవారం బషీర్‌బాగ్‌లో ని అంబేద్కర్ లా కాలేజీలో నిర్వహించిన రౌండ్ టేబుల్ సమావేశం రసాభసాగా మారి ఉద్రిక్తతకు దారి తీసింది. ఎస్సీ వర్గీకరణకు అనుకూలంగా ఓ వర్గం, ప్రతికూలంగా మరో వర్గం నినాదాలు చేయటంతో ఇరు వర్గాల మధ్య ఘర్షణ చోటుచేసుకంది. ఎస్సీ రిజర్వేషన్ వర్గీకరణ ప్రజాస్వామికం అంశంపై ఎస్సీ వర్గీకరణ సంఘీభావ కమిటీ నిర్వహించిన ఈ సమావేశంలో ప్రసంగించేందుకు పలువురు మాదిగ సామాజిక వర్గానికి చెందిన వక్తలతో పాటు జస్టిస్ చంద్రకుమార్, వరవరరావు, గద్దర్, యూ.సాంబశివరావు, ప్రొ.హరగోపాల్, ప్రొ.కోదండరాం, ప్రొ.పిఎల్. విశే్వశరరావుతో పాటు ప్రొ. గాలి వినోద్‌కుమార్, విద్యార్థి సంఘాలు, ఎస్సీ,ఎస్టీ, బిసి సంఘాలకు చెందిన నేతలు హాజరయ్యారు. సమావేశం జరుగుతున్న ప్రాంతానికి చేరుకున్న మాల వర్గానికి చెందిన కొందరు నేతలు కోదండరాంను విమర్శించారు.
అయితే మాల నేతలను సముదాయించేందుకు కొందరు వర్గీకరణ సంఘీభావ కమిటీ నేతలు యత్నించారు. అయినా ఇరువర్గాలకు చెందిన నేతల మధ్య మాటల యుద్దం తీవ్రం కావటంతో ఒకరిపై ఒకరు పరస్పర దాడులు చేసుకునేందుకు కుర్చీలు లేపారు. ఈ క్రమంలో ప్రొ.గాలి వినోద్‌కుమార్ తలకు గాయాలయ్యాయి. ఘటన సమాచారం తెలుసుకుని పోలీసులు సంఘటన స్థలానికి చేరుకునే లోపు మాల వర్గానికి చెందిన నేతలు అక్కడి నుంచి వెళ్లిపోయారు. ప్రశాంతంగా తాము సమావేశం నిర్వహించుకుంటుంటే మాల వర్గానికి చెందిన నేతలు వచ్చి దాడి చేశారని మాదిగ వర్గానికి చెందిన వారు ఆరోపిస్తుండగా, ఎస్సీ వర్గీకరణ చిచ్చు రగిల్చేందుకే కొందరు నేతలు ఇలాంటి సమావేశాలను ఏర్పాటు చేస్తున్నారని మాల నేతలు వ్యాఖ్యానించారు. ఆ తర్వాత ప్రొ.కోదండరాం మాట్లాడుతూ ఇలాంటి హింసతో లక్ష్యాన్ని చేరుకోలేమని అన్నారు. ఎస్సీ వర్గీకరణ విషయంలో రెండు రాష్ట్రాల్లోని ఎస్సీలు తమలో తాము సామరస్యంగా చర్చించుకుని కేంద్రంపై వత్తిడి తేవాలని, ఈ వర్గీకరణ సమస్య రాజకీయ సమస్యగా మారిందని గద్దర్ అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.