రాష్ట్రీయం
వచ్చే నెల 13 నుంచి మెయిన్స్ పరీక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 6: ఎన్నో న్యాయ వివాదాల్లో చిక్కుకున్న 2011 గ్రూప్-1 మెయిన్స్ పరీక్షను సెప్టెంబర్ 13 నుంచి 23 వరకూ నిర్వహించాలని తెలంగాణ పబ్లిక్ సర్వీసు కమిషన్ నిర్ణయించింది. శనివారం 2011 గ్రూప్-1 ప్రిలిమినరీ పరీక్ష ఫలితాలను వెల్లడించింది. ఈ అంశంలో సుప్రీంకోర్టు ఆదేశాల మేరకు ఏపిపిఎస్సీ ఇప్పటికే మెయిన్స్ పరీక్షల షెడ్యూలును విడుదల చేసింది. అయితే రెండు రాష్ట్రాల్లో ఒకేమారు పరీక్షలు నిర్వహించాలన్న సుప్రీంకోర్టు ఆదేశాల మేరకు సెప్టెంబర్‌లోనే ఈ పరీక్షలనూ నిర్వహించేలా తెలంగాణ పబ్లిక్ సర్వీసు కమిషన్ చర్యలు చేపట్టింది. 2011 గ్రూప్-1 మెయిన్స్ నిర్వహణకు సంబంధించి విద్యార్థుల వివరాలు, దరఖాస్తులను తమకు అప్పగించాలని ఏపీపీఎస్సీని టిఎస్‌పిఎస్సీ కోరడం, స్పందించిన ఆంధ్ర కమిషన్‌కు వివరాలు అందించడం పూరె్తైంది. అర్హులైన అభ్యర్ధులకు సంబంధించి అన్ని రకాల డాక్యుమెంట్లనూ ఏపీపీఎస్సీ అందించింది. పరీక్షలపై నాలుగేళ్లుగా అభ్యర్ధుల్లో నెలకొన్న ఆందోళనకు తాజా నిర్ణయంతో తెరపడనుంది. 2011లో అప్పటి ఏపీపీఎస్సీ 312 గ్రూప్-1 పోస్టుల భర్తీకి 15/2011, జనరల్ రిక్రూట్‌మెంట్ కింద 18/2011 నోటిఫికేషన్లను జారీ చేసింది. 2012 మే 27న ప్రిలిమినరీ పరీక్ష జరిగింది. పరీక్షకు దాదాపు 1.7 లక్షల మంది హాజరయ్యారు. అనంతరం మెయిన్స్‌కు 1:50 నిష్పత్తిలో 15వేల 600 మందిని ఎంపిక చేశారు. అందులో 8.6వేల మంది మెయిన్స్ పరీక్ష రాయగా, వారిలో నుంచి మెరిట్ ప్రకారం 1:2 నిష్పత్తిలో 606 మందికి ఇంటర్వ్యూలు నిర్వహించారు. అయితే ఈ ప్రక్రియ సాగుతున్న సమయంలో ప్రిలిమినరీ పరీక్ష కీలో ఆరు తప్పులున్నట్టు అభ్యర్థులు అభ్యంతరం లేవనెత్తారు. వాటిపై ట్రిబ్యునల్‌కు, హైకోర్టుకు, చివరకు సుప్రీంకోర్టు వరకూ వెళ్లారు. దాంతో ఆ ఆరు ప్రశ్నలను తొలగించి, మిగతా మార్కులతో మెరిట్ జాబితా రూపొందించి మెయిన్స్ పరీక్షలు, ఇంటర్వ్యూలు నిర్వహించాలని కోర్టు ఆదేశించింది. 144 ప్రశ్నలతో పునర్‌మూల్యాంకనం చేయడంతో అనేకమంది అనర్హులు అని తేలగా, కొత్తగా మరికొందరు అర్హత సాధించారు. మొత్తంగా 16వేల 966 మందితో మెయిన్స్‌కు అభ్యర్ధుల జాబితా సిద్ధమైంది. అయితే తాజాగా టిఎస్‌పిఎస్సీ ప్రిలిమినరీ అభ్యర్ధుల జాబితాలను వెబ్‌సైట్‌లో ఉంచింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.