రాష్ట్రీయం
ధార్మిక పరిషత్ ఏర్పాటుపై వైఖరేంటి?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 8 : దేవాలయాల పరిపాలనకు సంబంధించిన ధార్మిక పరిషత్ ఏర్పాటు, చట్టంలోని ఇతర అంశాలను అమలు చేసే విషయంలో రాష్ట్ర ప్రభుత్వ వైఖరి తెలియచేయాలంటూ సుప్రీంకోర్టు సోమవారం నోటీసు జారీ చేసింది. కౌంటర్ ఫైల్ దాఖలు చేసేందుకు రాష్ట్ర ప్రభుత్వానికి నాలుగు వారాల గడువు ఇచ్చారు. దేవాలయ పాలనలో ప్రభుత్వం జోక్యం ఉండకూడదంటూ తమిళనాడుకు చెందిన దయానంద సరస్వతి స్వామి దాఖలు చేసిన పిటీషన్‌లో ఎపి అర్చక సమాఖ్య, తెలంగాణ అర్చక సమాఖ్య, ట్రస్టీల సమాఖ్య వేసిన ఇంప్లీడింగ్ పిటీషన్లతో పాటు, ఆలయాల పరిరక్షణ మూవ్‌మెంట్ వ్యవస్థాపకుడు సౌందరరాజన్ దాఖలు చేసిన ఇంటర్వీన్ పిటీషన్లను సుప్రీంకోర్టు సోమవారం విచారణకు స్వీకరించింది. 33/2007 చట్టం అమలు చేసే అంశంపై ప్రభుత్వ వైఖరి ఏమిటో నాలుగు వారాల్లో సమాధానం చెప్పాలంటూ రాష్ట్ర ప్రభుత్వానికి నోటీసు జారీ చేశారు. ఈ కేసులో ప్రధానంగా ధార్మిక పరిషత్ ఏర్పాటు, 33/2007 ఎండోమెంట్ చట్టం అమలు ప్రధాన అంశాలుగా ఉన్నాయి. 33/2007 చట్టం ప్రకారం ఆలయాల నిర్వహణ బాధ్యత, పరిపాలన బాధ్యత ధార్మికపరిషత్ చేపట్టాల్సి ఉంటుంది. రాష్ట్రం విడిపోయి రెండు సంవత్సరాలు గడిచినా, ఇటు తెలంగాణ ప్రభుత్వం కానీ, అటు ఆంధ్రప్రదేశ్ ప్రభుత్వ కానీ ‘్ధర్మిక పరిషత్’ను ఏర్పాటు చేయలేదు. ధార్మిక పరిషత్ ఏర్పడితే ఎండోమెంట్స్ శాఖకు అధికారాలు ఉండవన్న ఉద్దేశంతో కొంత మంది అధికారులు, ఎండోమెంట్స్ సిబ్బంది కొంత మంది కొత్త చట్టం అమలు కాకుండా ప్రయత్నిస్తూ వస్తున్నారు. ఈ ప్రభావం వల్ల 30/1987 దేవాదాయ చట్టానికి 2007 లో సవరణలు (33/2007) చేసినా, ఫలితం రాలేదు. వివిధ కారణాల వల్ల 33/2007 పూర్తిగా అమల్లోకి రాలేదు.
33/2007 చట్టం అమల్లోకి వస్తే దేవాలయాల పరిపాలన పూర్తిగా ధార్మిక పరిషత్తు పరిధిలోకి వస్తుంది. అర్చకులవేతనాలు, ఆలయ సిబ్బంది వేతనాలు పెరుగుతాయి. వంశపారంపర్య విధానంలో అర్చకులకు అవకాశం లభిస్తుంది. భక్తుల అభీష్టం మేరకు ఆలయాల పాలన కొనసాగుతుంది. ఈ నేపథ్యంలో ప్రభుత్వ వైఖరి ఏమిటో రాష్ట్ర ప్రభుత్వం కౌంటర్ పిటీషన్ వేస్తేనే వెల్లడవుతుంది.
స్వాగతిస్తున్నాం: అర్చక సమాఖ్య
దేవాదాయ చట్టం అమలుపై సుప్రీంకోర్టు ప్రభుత్వానికి నోటీసు జారీ చేయడాన్ని స్వాగతిస్తున్నామని ఎపి అర్చక సమాఖ్య ప్రధాన కార్యదర్శి ఎ. ఆత్రేయబాబు, ఆర్గనైజింగ్ సెక్రటరీ పెద్దింటి రాంబాబు పేర్కొన్నారు. ఈ మేరకు సోమవారం వారు ఒక ప్రకటన విడుదల చేస్తూ, దేవాలయాల పాలనకు ధార్మిక పరిషత్ తప్పనిసరిగా ఏర్పాటు చేయాలన్నారు. అర్చకులకు గౌరవప్రదమైన వేతనాలు లభించాలని, చట్టం ప్రకారం అన్ని వసతులు కల్పించాలని వారు కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.