రాష్ట్రీయం
దగాపడిన అన్నదాత
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్, ఆగస్టు 16: రైతు సంక్షేమం అజెండాతో అధికారంలోకి వచ్చిన నరేంద్ర మోదీ, కెసిఆర్ హామీలను తుంగలోతొక్కి రైతులను నిలువెల్లా దగా చేశారని రాష్ట్ర కాంగ్రెస్ వ్యవహారాల ఇన్‌చార్జి, ఏఐసిసి ప్రధాన కార్యదర్శి దిగ్విజయ్ సింగ్ ధ్వజమెత్తారు. రుణమాఫీ, పంట ఉత్పత్తులకు గిట్టుబాటు ధర సాధన కోసం రైతులకు అండగా కాంగ్రెస్ గల్లీనుండి ఢిల్లీవరకు పోరాటాలు సాగిస్తోందన్నారు. ఎన్నికల హామీలు నెరవేర్చి రైతు సమస్యలు పరిష్కరించాలన్న డిమాండ్‌తో మంగళవారం ఆదిలాబాద్ జిల్లా కేంద్రంలోని రాంలీలా మైదానంలో కాంగ్రెస్ రైతుగర్జన పేరిట బహిరంగ సభ నిర్వహించింది. సభలో రాష్ట్ర, జిల్లా నేతలంతా విభేదాలు మర్చి ఐక్యతారాగం వినిపించారు. సభలో దిగ్విజయ్ సింగ్ మాట్లాడుతూ కాంట్రాక్టర్ల ప్రయోజనాల కోసం, కమిషన్లకు కక్కుర్తిపడి కెసిఆర్ ప్రభుత్వం ఆనాలోచిత విధానాలతో సాగునీటి ప్రాజెక్టులకు ప్రజా సొమ్ము దుర్వినియోగం చేస్తోందని, కాంగ్రెస్ పాలనలో చేపట్టిన ప్రాజెక్టుల డిజైన్ల మారుస్తూ రైతు ప్రయోజనాలను దెబ్బతీస్తోందని ధ్వజమెత్తారు. అటు ప్రధాని నరేంద్ర మోదీ పప్పు దినుసు పంటలు ప్రోత్సహించకుండా విదేశాల నుంచి దిగుమతి చేసుకుంటానని ప్రకటిస్తూ, దేశ రైతులపై నమ్మకం లేకుండా వ్యవహరిస్తున్నారని విమర్శించారు. పప్పు దినుసుల ఉత్పత్తిపై కార్యాచరణ లేకుండా పోయిందని, దేశ వ్యాప్తంగా పప్పు దినుసుల ధరలు ఆకాశాన్ని అంటుతూ సామాన్యులకు చుక్కలు చూపిస్తున్నాయని ఆవేదన వ్యక్తం చేశారు. ధరల నియంత్రణ లేకపోగా, పంటకు కనీస మద్దతు ధర కూడా లభించకపోవడంతో దేశంలో వ్యవసాయ రంగం సంక్షోభంలో కూరుకుపోయిందన్నారు. రైతు సమస్యలు పరిష్కరిస్తామని హామీలు గుప్పించి ప్రజలను మభ్యపెట్టిన సిఎం కెసిఆర్‌ను ప్రజలు ఇక నమ్మే స్థితిలో లేరన్నారు. కాంగ్రెస్ విధానాలపై ప్రజలకు నమ్మకం పెరుగుతుందనడానికి ఈ బహిరంగ సభే నిదర్శనమన్నారు. పత్తి సాగులో ఆగ్రగామియైన తెలంగాణలో పత్తి సాగు చేయొద్దని సిఎం ప్రకటించి రైతులను అయోమయంలో నెట్టేశారన్నారు. రాష్ట్రంలో పత్తి పరిశ్రమలు మూతపడి ఉపాధి దెబ్బ తింటోందని ఆందోళన వ్యక్తం చేశారు. పెట్టుబడిదారి వ్యవస్థతో కెసిఆర్ కుమ్మక్కై వందకోట్ల టెక్స్‌టైల్ పార్క్ ప్రాజెక్టు అంచనాను 200 కోట్లకు పెంచి జిమ్మిక్కులు చేస్తున్నారే తప్ప, దీనివల్ల ప్రజల ప్రయోజనాలు తీరవన్నారు. రైతు సమస్యలపై కార్యకర్తలు సమరశంఖం పూరించాలని, రైతు వ్యతిరేక విధానాలను ఎండగట్టి ప్రభుత్వానికి గుణపాఠం చెప్పాలని దిగ్విజయ్ పిలుపునిచ్చారు. ఏఐసిసి కార్యదర్శి రాంచంద్ర కుంతియా మాట్లాడుతూ గత ఏడాది రాహుల్ చేపట్టిన రైతు భరోసా యాత్రకు ఆదిలాబాద్ జిల్లాలో విశేష స్పందన లభించిందని, తిరిగి ఈ జిల్లాలో రైతు గర్జనకు ప్రజలు పెద్దఎత్తున హాజరవ్వడం చూస్తుంటే 2019 ఎన్నికల్లో కాంగ్రెస్‌కు అధికారం ఖాయమనిపిస్తోందన్నారు. మైనార్టీలు, గిరిజనుల రిజర్వేషన్లపై సిఎం కెసిఆర్ ఇస్తోన్న హామీలు ఉత్తి మోసమన్నారు. నిరుద్యోగులకు ఉద్యోగాలు, ఏకకాలంలో రుణమాఫీ ఫార్సుగా మారిందన్నారు. సభలో టిపిసిసి అధ్యక్షుడు ఉత్తమ్ కుమార్ రెడ్డి, కాంగ్రెస్ రాష్ట్ర నేతలు సబితా ఇంద్రారెడ్డి, షబ్బీర్ అలీ, వి హనుమంతరావు, జానారెడ్డి, చిన్నారెడ్డి, బలరాం జాదవ్, మధుయాష్కి, జిల్లా అధ్యక్షుడు ఏలేటి మహేశ్వర్ రెడ్డి తదితరులు పాల్గొన్నారు.
చిత్రం..కాంగ్రెస్ ర్యాలీలో ఎడ్లబండిపై వస్తున్న దిగ్విజయ్‌సింగ్, ఉత్తమ్‌కుమార్ రెడ్డి, కాంగ్రెస్ నేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.