రాష్ట్రీయం
ఇళ్లకు గ్లోబల్ టెండర్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 16: రాజధానిలో స్తబ్దుగా సాగుతున్న డబుల్ బెడ్‌రూం పథకానికి మళ్లీ చురుకొచ్చినట్టు కనిపిస్తోంది. ఏడాదిలోగా హైదరాబాద్‌లో డబుల్ బెడ్‌రూమ్ ఇళ్ల నిర్మాణం పూర్తి చేయాలని తాజాగా ప్రభుత్వం నిర్ణయించింది. ఇళ్ల నిర్మాణాల కోసం గ్లోబల్ టెండర్లు పిలవాలని సర్కారు నిర్ణయించింది. ఈ ఏడాది ఫస్ట్ ఫేజ్‌లో 78 కాలనీల్లో 25 వేల డబుల్ బెడ్‌రూమ్‌లు నిర్మించాలని నిర్ణయించినట్టు మున్సిపల్ వ్యవహారాల మంత్రి కె తారక రామారావు వెల్లడించారు. డబుల్ బెడ్‌రూమ్ ఇళ్ల నిర్మాణాన్ని సాధారణ ఎన్నికలకు ముందునుంచీ తెరాస ప్రత్యేకంగా చెబుతూ వస్తోంది. ఎన్నికల ప్రణాళికలో సైతం ఇదే అంశాన్ని ప్రధానంగా ప్రస్తావించారు. డబుల్ బెడ్‌రూమ్ ఇళ్ల పథకం ఎన్నికల్లో తెరాసకు బాగా కలిసొచ్చే ఆయుధమే అయ్యింది. కెసిఆర్ ఐడిహెచ్ కాలనీలో పర్యటించి శిథిలావస్థకు చేరిన ఇళ్లను తొలగించి డబుల్ బెడ్‌రూమ్ ఇళ్లను కట్టిస్తానని హామీ ఇచ్చారు. చెప్పినట్టుగానే ఐడిహెచ్ కాలనీలో ఏడాదిలోపే ఇళ్లను పూర్తి చేశారు. ఢిల్లీలో ఐఏఎస్‌లకు కేటాయించే క్వార్టర్లకన్నా డబుల్ బెడ్‌రూమ్ ఇళ్లు బాగున్నాయని గవర్నర్ సైతం ప్రశంసించారు. గ్రేటర్ హైదరాబాద్ ఎన్నికల్లో డబుల్ బెడ్‌రూమ్ ఇళ్ల హామీ బాగా పనిచేసింది. ఊహించని విధంగా తెరాసకు 99 డివిజన్లలో విజయాన్ని కట్టబెట్టింది. డబుల్ బెడ్‌రూం ఇళ్లపై నమ్మకంతోనే ప్రజలు విజయం అందించారని ఆనందంగా ప్రకటించిన కెసిఆర్, అప్పటికప్పుడు లక్ష ఇళ్ల మంజూరీని ప్రకటించారు కూడా. అయితే తరువాత ఈ పథకం ఎక్కడవేసిన గొంగడి అక్కడే అన్న చందంగా తయారైంది. ప్రభ్వుం నిర్ణయించిన ధరకు కాంట్రాక్టర్లు ముందుకురాలేదు. గ్రేటర్ హైదరాబాద్‌లో లక్ష ఇళ్లతోపాటు రాష్ట్రంలోని మిగిలిన అన్ని మున్సిపాలిటీల్లో లక్ష ఇళ్లను మంజూరు చేశారు. హైదరాబాద్‌లో సత్వరం ఇళ్ల నిర్మాణం చేపట్టేందుకు మున్సిపల్ వ్యవహారాల మంత్రి కె తారక రామారావు అధికారులతో మంగళవారం సమావేశమయ్యారు. డబుల్ బెడ్‌రూమ్ ఇళ్ల నిర్మాణంతో పాటు హైదరాబాద్‌లో రోడ్ల పరిస్థితి మెరుగు పర్చడంపై దృష్టి సారించారు. వైట్ ట్యాప్ రోడ్లను నిర్మించనున్నట్టు చెప్పారు. ప్లాస్టిక్ రోడ్ల నిర్మాణంపై త్వరలోనే నిర్ణయం తీసుకోనున్నట్టు చెప్పారు. జిహెచ్‌ఎంసి పరిధిలో మొత్తం 14 వందల మురికివాడలున్నాయి. వాటిలో కనీస సౌకర్యాలు మెరుగు పరచాలని నిర్ణయించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.