రాష్ట్రీయం
వచ్చే మార్చి నాటికి పులిచింతల పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 22: వచ్చే ఏడాది మార్చి నాటికి పులిచింతల ప్రాజెక్టు నిర్మాణాన్ని పూర్తి చేస్తామని జలవనరుల శాఖ మంత్రి దేవినేని ఉమామహేశ్వరరావు ప్రకటించారు. మంగళవారం శాసనసభలో ప్రశ్నోత్తరాల కార్యక్రమంలో ఆయన బదులిస్తూ ఈ ప్రాజెక్టు నిర్మాణానికి తాజా అంచనా ప్రకారం రూ.1818.17 కోట్లు ఖర్చవుతుందన్నారు. ఇంతవరకు 97 శాతం పనులు పూర్తయ్యాయన్నారు. ఈ ప్రాజెక్టు పురోగతిని ముఖ్యమంత్రి చంద్రబాబునాయుడు స్వయంగా పర్యవేక్షిస్తున్నారన్నారు. ఈ ప్రాజెక్టు నిర్మాణం పూర్తయితే కృష్ణా డెల్టాకు సాగు, తాగునీటి సదుపాయం కలుగుతుందన్నారు. వరద నీటిని పరిరక్షించుకోవడం ద్వారా నీరు- చెట్టు కార్యక్రమాన్ని అమలు చేసిన కారణంగా రాష్ట్రంలో భూగర్భ జల మట్టాలు 2.14 మీటర్లకు పెరిగినట్లు చెప్పారు. కోస్తా ఆంధ్రలో 0.06 మీటర్లు, రాయలసీమలో 6.83 మీటర్లు కలిపి మొత్తం పైన 2.14 మీటర్ల భూగర్భ జల మట్టాలు పెరుగుదల నమోదైందన్నారు.
రాజధాని శంకుస్ధాపన ఖర్చు
ఆంధ్ర రాజధాని అమరావతి శంకుస్థాపనకు పది కోట్ల రూపాయలు ఖర్చు అయిందని మున్సిపల్ శాఖ మంత్రి నారాయణ శాసనసభకు తెలిపారు. ప్రశ్నోత్తరాల కార్యక్రమంలో ఆయన బదులిస్తూ వేదిక వద్ద ఏర్పాట్ల కోసం గుంటూరు జిల్లా కలెక్టర్ ఏడుకోట్ల రూపాయలను ఖర్చుచేశారన్నారు.ప్రోటోకాల్, వసతి, వాహనాలు మొదలైన వాటి కోసం కృష్ణా జిల్లా కలెక్టర్ రెండు కోట్ల రూపాయలను ఖర్చు చేశారన్నారు. భాష, సాంస్కృతిక శాఖ విజ్ఞాపనపై ఆహారం, పారితోషికం లాంటి వాటి కోసం విజయవాడ మున్సిపల్ కార్పొరేషన్ రూ.39.32 లక్షలను ఖర్చు చేసిందన్నారు. ఈ ఏడాది సెప్టెంబర్ 28వ తేదీన రాష్ట్రప్రభుత్వం జీవోను విడుదల చేసిందని, దీని ప్రకారం అమరావతి శంకుస్థాపన కార్యక్రమాన్ని రాష్టవ్రేడుకగా ప్రకటించిందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.