రాష్ట్రీయం
ఐఎఎస్ x ఐపిఎస్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 17: పౌరసరఫరాల శాఖ కమిషనర్‌గా ఐపిఎస్ అధికారి సివి ఆనంద్‌ను నియమించడం వివాదాస్పదంగా మారింది. ఈ నియామకం ఐఏఎస్, ఐపిఎస్ అధికారుల మధ్య చిచ్చు పెడుతోంది. తమను నియమించాల్సిన పోస్టుల్లో ఐపిఎస్ అధికారులకు పోస్టింగ్‌లు ఇవ్వడం ఏమిటనీ ఐఏఎస్ అధికారులు ప్రభుత్వంపై కినుక వహించారు. ఈ విషయాన్ని ముఖ్యమంత్రి దృష్టికి తీసుకెళ్లి ఇకముందు ఇలాంటి నియామకాలు జరుగకుండా బ్రేక్ వేయాలని ఐఏఎస్ అధికారులు భావిస్తున్నారు. తమ నిరసనను ప్రభుత్వం దృష్టికి తీసుకెళ్లడానికి అపాయింట్‌మెంట్ ఇప్పించాల్సిందిగా ముఖ్యమంత్రికి సన్నిహితంగా ఉండే రిటైర్డ్ ఐఏఎస్ అధికారి ఒకరిని మరో ఐఏఎస్ అధికారి ఆశ్రయించారు. కొత్త జిల్లాల ఏర్పాటు ప్రక్రియలో ముఖ్యమంత్రి కెసిఆర్ బిజీగా ఉండటంతో ఒకటి రెండు రోజుల్లో అపాయింట్‌మెంట్ తీసుకోనున్నట్టు సదరు అధికారి హామీ ఇచ్చినట్టు సమాచారం. ఐఏఎస్‌లకు ఇవ్వాల్సిన పోస్టుల్లో గతంలో ఒకరు ఇద్దరిని నియమించిన సందర్భాలు ఉన్నప్పటికీ అవి పెద్దగా ప్రాధాన్యత లేని పోస్టులు కావని అధికారవర్గాల సమాచారం. అయితే పౌర సరఫరాల కమిషనర్ వంటి కీలకమైన పోస్టులో ఐపిఎస్ అధికారి ఆనంద్‌ను నియమించడం ఏమిటని ఐఏఎస్ అధికారులు అసంతృప్తి వ్యక్తం చేస్తున్నారు. ఇప్పటికే సాంఘిక సంక్షేమ గురుకుల విద్యా సంస్థల కార్యదర్శిగా ఐపిఎస్ అధికారి ఆర్‌ఎస్ ప్రవీణ్‌కుమార్ కొనసాగుతున్నారు. అలాగే రవాణా శాఖ కమిషనర్‌గా కూడా ఐపిఎస్ అధికారి ఒకరిని నియమించడానికి రంగం సిద్ధమైందని ఈ వర్గాల సమాచారం. ఇలాగే పోతే మున్ముందు మరిన్ని పోస్టులలో ఐపిఎస్ అధికారుల ఆధిపత్యం పెరిగిపోతుందని ఐఏఎస్‌లు వాపోతున్నారు. తమ అసంతృప్తిని వారు మొదట రెవిన్యూ మంత్రి వద్ద వ్యక్తం చేయగా, ఆయన నిస్సహాయత వ్యక్తం చేసినట్టు తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.