రాష్ట్రీయం
బెజవాడగా పేరు మార్చండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 18: రాజమండ్రిని రాజమహేంద్రవరంగా మార్చి ఆంధ్రుల అభినందనలు అందుకున్న చంద్రబాబు, విజయవాడ పేరు కూడా మార్చాల్సిన అవసరం ఉందని బెంగళూరు విశ్వవిద్యాలయ విశ్రాంత ఆచార్యుడు తంగిరాల వెంకట సుబ్బారావు ముఖ్యమంత్రి చంద్రబాబుకు లేఖ రాశారు. విజయవాడ అనే దుష్ట సమాసాన్ని బెజవాడ అనే అచ్చమైన తెలుగుపేరుగా మార్చాలని సూచించారు. ఆదికవి నన్నయ్య కన్నా ముందున్న శాసనాల్లోనూ బెజవాడ అనే పేరు ఉందని గుర్తు చేశారు. క్రీ.శ.10వ శతాబ్దం నాటి ‘యుద్ధమల్లుని బెజవాడ శాసనం’ దీనికి ఉదాహరణ అని పేర్కొన్నారు. 6,7 శతాబ్దాల నాటి శాసనాల్లో కూడా ‘బెజయిత్త భటరళదత్త’ అని ఉందని వివరించారు. యుద్ధమల్లుని శాసనంలో ‘కందుకూరే బెజవాడ గావించెమెచ్చి’ అని ఉందన్నారు. బెజవాడ అనేపేరు ఏదో ఇంగ్లీషువాడు పెట్టిన పేరుగా భావించి, కవిపండితులను సంప్రదించకుండా ఆనాటి తొలి శాసనసభ స్పీకర్ అయ్యదేవర కాళేశ్వరరావు ఈ పేరును విజయవాడగా చేసి ఆంధ్రులకు బలవంతంగా అంటగట్టారని వ్యాఖ్యానించారు. ‘విజయ’ సంస్కృతపదం. ‘వాడ’ తెలుగుపదం. రెండూ కలిపితే దుష్టసమాసం అవుతుందని విశే్లషించారు. బెజవాడ అన్నదే అచ్చమైన తెలుగుపదమని, దీనిని సంస్కృతంలోకి మారిస్తే ‘విజయవాటిక’ అవుతుందే తప్ప విజయవాడ కాదని స్పష్టం చేశారు. అందువల్ల విజయవాడను బెజవాడ లేదా విజయవాటికగా మార్చాలని సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.