రాష్ట్రీయం
ఆందోళన కలిగిస్తున్న విపత్తులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ కాచిగూడ, ఆగస్టు 20: నగరాల్లో విపత్తులు క్రమంగా పెరిగిపోతున్నాయని సెంటర్ ఫర్ రిసోర్స్ ఎడ్యుకేషన్ (సిఆర్‌ఇ) డైరెక్టర్ డాక్టర్ బివి సుబ్బారావు ఆందోళన వ్యక్తం చేశారు. శనివారం హిమాయత్‌నగర్‌లోని దక్కన్ అకాడమి చంద్రంలో ‘్ఫరమ్ ఫర్ ఎ బెటర్ హైదరాబాద్’ (ఎఫ్‌బిహెచ్) ఆధ్వర్యంలో ‘నగరాల్లో వరదలను ఎదుర్కొనే ప్యూహాలు- హైదరాబాద్‌లో డ్రైనేజీ వ్యవస్థ మెరుగుకు చర్యలు’ అనే అంశంపై నిర్వహించిన సదస్సులో ముఖ్య అతిథిగా పాల్గొన్న డాక్టర్ బివి సుబ్బారావు మాట్లాడుతూ గత 15 సంవత్సరాలుగా నగరాల్లో వివిధ విపత్తులు అధికం అవుతున్నాయన్నారు. స్వాతంత్య్రం వచ్చినప్పటి నుంచి దేశంలో పాలకులు గ్రామాలు, కుటీర, చిన్నతరహా పరిశ్రమలు, చిన్న, సన్నకారు రైతులు అనే అంశాలపై మాత్రమే ప్రధానంగా దృష్టి సారించారని తెలిపారు. హైదరాబాద్‌లో హైటెక్ సిటీ నిర్మాణం ప్రారంభమైన నాటి నుంచి కూడా నగరంలో డ్రైనేజి వ్యవస్థకు ప్రాధాన్యం ఇవ్వలేదని విమర్శించారు. నగరాన్ని ఐటి హబ్‌గా తీర్చిదిద్దడానికి ముందే నగర వౌలిక వసతులపై కలిగే ప్రభావం, నగరానికి ఎంత మంది వచ్చే అవకాశం ఉందన్న తదితర అంశాలపై అధ్యయనం జరగాల్సి ఉండిందన్నారు. నగర మాస్టర్ ప్లాన్ అంశాలపై వివిధ సమస్యలను ఎప్పటికప్పుడు అధికార యంత్రాంగం దృష్టికి తీసుకుని వచ్చేందుకు ‘్ఫరమ్ ఫర్ ఎ బెటర్ హైదరాబాద్’ చేస్తున్న కృషిని ఆయన అభినందించారు. నిజాంకాలం నాటి వరద కాల్వలను సీవరేజ్ కాల్వలుగా మార్చిన ఘనత అధికారులకే దక్కిందన్నారు.
ఎఫ్‌బిహెచ్ అధ్యక్షుడు ఎం.వేదకుమార్ మాట్లాడుతూ పటిష్ఠమైన మాస్టర్ ప్లాన్ ఉంటే నగరం అభివృద్ధి చెందుతుందన్నారు. రకరకాల మాస్టర్ ప్లాన్లకు బదులుగా ఒకే మాస్టర్ ప్లాన్ అమలయ్యేలా చేసేందుకు తమ సంస్థ కృషి చేసిందన్నారు. నగరం విస్తీర్ణం పెంచుకుంటూ పోతున్నారే కానీ వౌలిక వసతులను అదే స్థాయిలో పెంచలేకపోతున్నారని ఆందోళన వ్యక్తం చేశారు. కార్యక్రమంలో ఎఫ్‌బిహెచ్ ఉపాధ్యక్షుడు ఎంహెచ్.రావు, కోశాధికారి డాక్టర్ రావు వివిజె చెలికాని, వి.ప్రకాశ్, రాంగోపాల్, నరహరి, సాబీర్, శేషగిరి, సత్యమూర్తి, రాణాప్రతాప్, ఇందిర పాల్గొన్నారు.
చిత్రం.. శనివారం హైదరాబాద్‌లో నిర్వహించిన సదస్సులో మాట్లాడుతున్న సెంటర్ ఫర్ రిసోర్స్ ఎడ్యుకేషన్ డైరెక్టర్ డాక్టర్ బివి సుబ్బారావు. చిత్రంలో ఎఫ్‌బిహెచ్ అధ్యక్షుడు వేదకుమార్ తదితరులు ఉన్నారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.