రాష్ట్రీయం
డిఎస్పీ, సిఐల బదిలీ
S ,7 à 8 RSCA (si SASPAS) et 6 cialis pharmacie cialis rapports de stage.
సిద్దిపేట, ఆగస్టు 20: పోలీసు ఉన్నతాధికారుల మామూళ్ల వేధింపులతో సర్వీస్ రివాల్వర్‌తో కాల్చుకున్న కుకునూరుపల్లి ఎస్‌ఐ రామకృష్ణారెడ్డి కేసులో ఉన్నతాధికారులు ఎట్టకేలకు ఆరోపణలు ఎదుర్కొంటున్న డిఎస్పీ శ్రీ్ధర్, సిఐ వెంకటయ్య, కానిస్టేబుళ్లపై బదిలీ వేటు వేశారు. తనచావుకు కారకులుగా డిఎస్పీ శ్రీ్ధర్, సిఐలు వెంకటయ్య, రామాంజనేయులు, ఎఎస్‌ఐ ప్రకాష్, కానిస్టేబుళ్లు ముత్యం, సంధాని, నాగిరెడ్డి, యాదవరెడ్డిలపై సూసైడ్‌నోట్‌లో ఎస్‌ఐ రామకృష్ణారెడ్డి పేర్కొన్నారు. ఈ క్రమంలో ఎస్‌ఐ ఆత్మహత్య ఘటనపై 4రోజులుగా విచారణ జరుపుతున్నా ఆరోపణలు ఎదుర్కొంటున్న అధికారులపై ఎలాంటి చర్యలూ తీసుకోకపోవడంతో సర్వత్రా విమర్శలు వ్యక్తమైనాయి. దీనికితోడు విచారణ అధికారిగా వచ్చిన నిజామాబాద్ ఎఎస్పీ ప్రతాప్‌రెడ్డి ఆరోపణలు ఎదుర్కొంటున్న డిఎస్పీ శ్రీ్ధర్, సిఐలు వెంకటయ్య, రామాంజనేయులును, కానిస్టేబుళ్లను తప్పించేందుకు నామమాత్రంగా విచారణ చేపట్టారు. దీంతో ఎస్‌ఐ రామకృష్ణారెడ్డి భార్య ధనలక్ష్మి, కుటుంబీకులు హైకోర్టును ఆశ్రయించేందుకు సిద్ధమైనారు. హైకోర్టు సైతం ఈకేసును సుమోటోగా తీసుకొని సమగ్ర నివేదిక అందించాలని ఆదేశాలు జారీ చేసింది.
శనివారం ఎస్‌ఐ భార్య ధనలక్ష్మి కుటుంబీకులు హోమంత్రి నాయిని నర్సింహారెడ్డిని ఆశ్రయించి సమగ్ర విచారణ చేసి తమకు న్యాయం చేయాలని విన్నవించారు. ఉన్నతాధికారుల ఆదేశాల మేరకు డిఐజి అకున్ సభర్వాల్ శనివారం కుకునూరుపల్లి పోలీస్‌స్టేషన్‌ను సందర్శించి సూసైడ్‌నోట్‌లో ఆరోపణలు ఎదుర్కొంటున్న ఎఎస్‌ఐ ప్రకాష్, హెడ్‌కానిస్టేబుళ్లు ముత్యం, సంధాని, కానిస్టేబుళ్లు నాగిరెడ్డి, యాదవరెడ్డిలను, డిఎస్పీ శ్రీ్ధర్, సిఐలు వెంకటయ్య, రామాంజనేయులను విచారించారు. అనంతరం డిఎస్పీ శ్రీ్ధర్‌ను డిజిపి కార్యాలయానికి బదిలీచేసి రిపోర్టు చేయాలని ఆదేశాలిచ్చారు. సిఐలు వెంకటయ్య, రామాంజనేయులు, ఎఎస్‌ఐ ప్రకాష్, హెడ్‌కానిస్టేబుళ్లు ముత్యం, సంధాని, పిసి యాదవరెడ్డి, నాగిరెడ్డిలను ఎస్పీ కార్యాలయానికి అటాచ్ చేస్తు ఉత్తర్వులు జారీ చేశారు. ఎట్టకేలకు ఎస్‌ఐ రామకృష్ణారెడ్డి కేసులో ఆరోపణలు ఎదుర్కొంటున్న డిఎస్పీ, సిఐలు, కానిస్టేబుళ్లను బదిలీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.