రాష్ట్రీయం
రోజాను పూర్తికాలం సస్పెండ్ చేయాలి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 22: ఆంధ్రప్రదేశ్ 14వ శాసనసభ పూర్తికాలం పాటు శాసనసభ్యురాలు రోజాను సస్పెండ్ చేయాలని, ఆమెపై కఠిన చర్యలు చేపట్టాలని టిడిపి ఎమ్మెల్యేలు మంగళవారం నాడు శాసనసభలో డిమాండ్ చేశారు. జీరో అవర్ కింద టిడిపి ఎమ్మెల్యేలు రోజా వ్యవహార సరళిపై ప్రస్తావన తెస్తూ, ఆమెపై ఎస్సీ ఎస్టీ కేసులు నమోదుచేయాలని, పూర్తికాలం సభ నుండి బషిష్కరించాలని, మళ్లీ ఎన్నికల్లో పోటీ చేయకుండా నిషేధించాలని కోరారు. సభలో ఉన్నంత సేపూ రన్నింగ్ కామెంట్రీ చేయడం, మంత్రులపైనా, సిఎంపైనా లేని పోని అభాండాలు వేయడం, దళిత మహిళా ఎమ్మెల్యేలపైనా ఆరోపణలు చేయడం అలావాటుగా మారిందని, గత శాసనసభ సమావేశాల్లో ఆమె చర్యలపై సస్పెండ్ చేసినా, తర్వాత దానిని ఎత్తివేశారని, అయినా ఆమె తీరులో మార్పు రాలేదని అన్నారు. అనిత మాట్లాడుతూ అసభ్య పదజాలంతో రోజా మాట్లాడుతున్నారని, వ్యక్తిగత విమర్శలు చేస్తున్నారని, ఆమె చేస్తున్న తప్పులను ఎత్తిచూపుతున్నామనే భావనతో తమపై ఆరోపణలు చేస్తున్నారని అన్నారు. సభ్య సమాజం తలదించుకునేలా ఆమె వ్యవహరిస్తున్నారని అన్నారు.
గోరంట్ల బుచ్చయ్యచౌదరి మాట్లాడుతూ ప్రతిపక్షం బాధ్యతారాహిత్యంగా వ్యవహరిస్తోందని అన్నారు. అనేక మంది నేతలు సభలకు వస్తుంటారని, అయితే రోజా మాట్లాడిన తీరు, భాష జుగుప్సాకరంగా ఉంటున్నాయని, బరితెగించి మాట్లాడుతున్నారని అన్నారు. రోజా ఎవరన్నా లెక్కలేదన్నట్టు వ్యవహరిస్తున్నారని ఆమె ప్రవర్తన అసహ్యకరంగా ఉందని ఆమెకు తిరిగి సభలో ప్రవేశించే అర్హత లేదని పేర్కొన్నారు. విష్ణుకుమార్‌రాజు మాట్లాడుతూ ఎమ్మెల్యే అనితను నిందించిన విషయం తనకు తెలియదని, రోజాపై తీసుకునే ఎటువంటి చర్యకైనా తాము సంపూర్ణంగా మద్దతు ఇస్తామని చెప్పారు.
సుజాత మాట్లాడుతూ గతంలో కూడా ఆమె అనేకమార్లు అసభ్యంగా మాట్లాడారని చెప్పారు. గౌతు శ్యాం సుందర శివాజీ మాట్లాడుతూ స్పీకర్ ఇలాంటి సభ్యులపై కొరడా ఝులిపించాలని అన్నారు. కొండపల్లి అప్పలనాయుడు మాట్లాడుతూ రోజా మాటలు వినడానికే ఇబ్బందిగా ఉందని చెప్పారు. ఎన్ ఆనందరావు మాట్లాడుతూ రోజా ఎప్పుడూ అసభ్యకర భాషను ఉపయోగిస్తుంటారని పేర్కొన్నారు. ఎం గీత మాట్లాడుతూ చట్టసభల్లో ఏ మాత్రం గౌరవం లేకుండా రోజా వ్యవహరిస్తున్నారని ఆరోపించారు. జి లక్ష్మీదేవి, కిమిడి మృణాళిని, తంగిరాల సౌమ్య, జివి ఆంజనేయులు, కాగిత వెంకటరావు , యామిని బాల తదితరులు రోజా తీరుపై తీవ్ర ఆగ్రహం వ్యక్తం చేశారు. ఏకవాక్య తీర్మానంతో ఆమెను శాశ్వతంగా బహిష్కరించాలని కోరారు.
రోజా తీరుతెన్నులపై ఆడియో, వీడియో క్లిప్పింగ్‌లను తెప్పించుకున్నామని, వాటిని పరిశీలించిన తర్వాత చర్యలు తీసుకుంటామని స్పీకర్ కోడెల శివప్రసాదరావు పేర్కొన్నారు. రోజా తీరుపై ప్రతి ఒక్కరిలో ఆవేదన నెలకొని ఉందని, ప్రతిపక్షంలో సైతం ఒకరిద్దరు మినహా అందరిలో అదే అభిప్రాయం ఉందని స్పీకర్ చెప్పారు. తనను చూసి నీరసంగా ఉన్నారెందుకు అని అడుగుతున్నారని, అది మానసిక నీరసమేనని, శారీరక నీరసం కాదని చెప్పారు. గత సమాజంలో ఆమెపై చర్యలు తీసుకున్నతర్వాత పశ్చాత్తాపంతో తీరు మారుతుందని భావించామని, ఆమె తీరు పునరావృత్తం కాదని భావించామని స్పీకర్ అన్నారు. తమ బాధ్యతలను మరిచిపోయే ప్రసక్తే లేదని, సభా గౌరవం పలుచన కాకుండా చూస్తామని స్పీకర్ అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.