జాతీయ వార్తలు
స్కార్పీన్ వ్యవహారంలో మరో కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
న్యూఢిల్లీ, ఆగస్టు 25: ఫ్రాన్స్ సహకారంతో భారత్‌లో తయారవుతున్న స్కార్పీన్ జలాంతర్గామి కీలక వివరాలకు సంబంధించి మరిన్ని రహస్య పత్రాలు గురువారం బహిర్గతమయ్యాయి. బుధవారం కీలక సాంకేతిక సమాచారం ఉన్న వేలాది పత్రాలను వెలుగులోకి తెచ్చిన ‘ది ఆస్ట్రేలియన్’ పత్రిక తాజాగా మరికొన్నింటిని బయటపెట్టింది. ఈ తాజా వివరాలు స్కార్పీన్ జలాంతర్గాముల యుద్ధ తంత్ర వ్యవస్థకు సంబంధించినవి. ఫ్రాన్స్ సంస్థ డిసిఎన్‌ఎస్ ఈ జలాంతర్గాములను
ముంబయిలో నిర్మిస్తోంది. తాజాగా బయటపడ్డ పత్రాల్లో భారత నౌకాదళ గుర్తు కూడా ఉంది. సముద్ర గర్భంలో ప్రత్యర్థి నౌకల వివరాలను సేకరించడానికి ఉద్దేశించిన సోనార్ వ్యవస్థ పని తీరు ఎలా ఉంటుందో ఈ పత్రాలు వెల్లడిస్తున్నాయి. అలాగే ఈ సోనార్ వ్యవస్థ సాంకేతిక పరమైన అంశాలను కూడా విస్తృతంగానే బైటపడ్డాయి. ఈ తాజా పత్రాలకు సంబందించి భారత నౌకాదళంనుంచి ఎలాంటి ప్రతిస్పందనా రాలేదు. అయితే వీటివల్ల భారత జాతీయ భద్రతకు ఎలాంటి ముప్పూ ఉండదని అధికార వర్గాలు చెబుతున్నాయి.
లీకేజి కాదు చౌర్యమే!
పారిస్: భారత్‌లో తీవ్ర సంచలనం రేపుతున్న స్కార్పీన్ జలాంతర్గాముల కీలక వివరాల లీకు వ్యవహారం కొత్త మలుపు తిరిగింది. ఈ పత్రాలు లీకు కాలేదని, నౌకాదళ కాంట్రాక్టర్ డిసిఎన్‌ఎస్ నుంచి ఇవి చౌర్యానికి గురయ్యాయని ఫ్రాన్స్ ప్రభుత్వ వర్గాలు వెల్లడించాయి. ఇప్పటి వరకూ బహిర్గమైన వివరాల్లో కేవలం జలాంతర్గాముల నిర్వహణకు సంబంధించిన అంశాలు మాత్రమే ఉన్నాయని స్పష్టం చేశాయి. ఆస్ట్రేలియా పత్రిక వెబ్‌సైట్‌లో ఈ వివరాలు ప్రచురితమైనప్పటి నుంచి అటు ఫ్రాన్స్, ఇటు భారత్‌లు దర్యాప్తులకు ఆదేశించాయి. ఈ నేపథ్యంలో ‘స్కార్పీన్ పత్రాలు లీకు కాలేదు చౌర్యానికి గురయ్యాయి’అంటూ ఫ్రాన్స్ ప్రభుత్వ వర్గాలు స్పష్టం చేయడం గమనార్హం. అంతే కాదు, ఈ చౌర్యంలో డిసిఎన్‌ఎస్ నిర్లక్ష్యం కూడా ఏమీ లేదని..ఓ వ్యక్తి నిజాయితీ రాహిత్యమే ఇందుకు కారణంగా గుర్తించినట్టు పేర్కొన్నాయి.
Related Articles
న్యూఢిల్లీ: దేశ రాజ్యాంగ నిర్మాణ శిల్పి డాక్టర్ బీఆర్ అంబేద్కర్ బోధనలను అనుసరించండి అని రాష్ట్రపతి రాంనాథ్ కోవింద్ దేశ ప్రజలకు పిలుపునిచ్చారు. బలమైన, సంపన్నమైన భారత దేశాన్ని సృష్టించడానికి దోహదం చేయాలని ఆయన కోరారు.
న్యూఢిల్లీ, ఏప్రిల్ 13: దేశ వ్యాప్తంగా అత్యంత కట్టుదిట్టంగా అమలవుతున్న లాక్ డౌన్ వల్ల కరోనా వైరస్ అదుపులోకి వస్తున్న సూచనలు కనిపిస్తున్నాయి. దేశ వ్యాప్తంగా 15 రాష్ట్రాల్లోని 25 జిల్లాల్లో గత 14 రోజులుగా కొత్తగా ఎలాంటి కేసు నమోదు కాలేదని కేంద్ర ఆరోగ్య మంత్రిత్వ శాఖ సోమవారం ప్రకటించింది.
న్యూఢిల్లీ, ఏప్రిల్ 13: కోవిడ్-19 కారణంగా స్వదేశాలకు వెళ్లలేకపోయిన విదేశీయులకు వీసా, ఈ-వీసా పరిమితి గడువును పెంచుతూ కేంద్ర హోం మంత్రిత్వ శాఖ వెసులుబాటును కల్పించింది. ఈ మేరకు సోమవారం ఒక అధికారిక ప్రకటనను విడుదల చేసింది.
న్యూఢిల్లీ, ఏప్రిల్ 13: అసలే కరోనా మహామ్మారితో దేశ ప్రజలే కాదు యావత్ ప్రజలు తల్లడిల్లుతుంటే సోమవారం ఢిల్లీ ప్రజలను భూకంపం వణికించింది. అయితే భూకంపం తీవ్రత (2.7) స్వల్పంగా ఉండడంతో ఆస్తి, ప్రాణ నష్టమేమీ జరగలేదు.
న్యూఢిల్లీ, ఏప్రిల్ 13: దేశంలో కరోనా వైరస్ కేసులు పెరుగుతున్న దృష్ట్యా కేంద్ర ప్రభుత్వం మంగళవారంతో ముగుస్తున్న 21 రోజుల లాక్‌డౌన్‌ను ఈ నెలాఖరు వరకు పొడిగించే అవకాశాలున్నాయ.