రాష్ట్రీయం
సాగర్ ఎడమకాల్వకు నీరు విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
నాగార్జునసాగర్, ఆగస్టు 25: నాగార్జునసాగర్ జలాశయం నుండి గురువారం ఎడమకాల్వ ద్వారా నీటి విడుదలను ప్రారంభించారు. విద్యుత్ శాఖ మంత్రి గుంటకండ్ల జగదీశ్‌రెడ్డితోపాటు ఎంపి గుత్తా సుఖేందర్‌రెడ్డి, శాసనసభ్యులు భాస్కర్‌రావు ఈ కార్యక్రమంలో పాల్గొన్నారు. అంతకుముందు ఎడమకాల్వ ప్రధాన ద్వారం వద్ద ఉన్న మాజీ ప్రధానమంత్రి లాల్‌బహదూర్‌శాస్ర్తీ విగ్రహానికి మంత్రి జగదీశ్‌రెడ్డి పూలమాలలు వేసి నివాళులర్పించారు. ఎడమకాల్వ ద్వారా 30 టిఎంసిల నీటిని విడుదల చేయనున్నారు. గురువారం నుండి 12 రోజులపాటు 8 వేల క్యూసెక్కుల వంతున విడుదల చేసి ఆపై వారం రోజులు నీటి విడుదలను నిలిపివేస్తారు. మళ్లీ వారం రోజులపాటు 5 వేల క్యూసెక్కుల వంతున నీటి విడుదల కొనసాగిస్తూ ఇలా ఆరు విడతలుగా ఎడమకాల్వకు నీటినివిడుదల చేయనున్నారు. ఎడమకాల్వ పరిధిలోని మొదటి జోన్ వరకు ఈ నీటి విడుదల కొనసాగనుంది. ప్రస్తుతం సాగర్ జలాశయంలో 514.50 అడుగుల నీటిమట్టం ఉండగా ఎస్‌ఎల్‌బిసి ద్వారా 1800 క్యూసెక్కులను విడుదల చేస్తున్నారు. శ్రీశైలం నుండి ఎటువంటి నీరు సాగర్‌కు రావడంలేదు. కార్యక్రమంలో టిఆర్‌ఎస్ సాగర్ నియోజకవర్గ టిఆర్‌ఎస్ ఇన్‌చార్జి నోముల నర్సింహయ్య, జిల్లా పరిషత్ వైస్ చైర్మన్ కర్నాటి లింగారెడ్డి, ప్రాజెక్టు సిఇ సునీల్, ఎస్‌ఇ రమేశ్, ఇఇ వెంకట్‌రెడ్డి, డిఇ విజయ్‌కుమార్, ఎంసి.కోటిరెడ్డి, పెద్దవూర ఎంపిపి మల్లిక, బ్రహ్మారెడ్డి, శేఖర్‌రెడ్డి, మలిగిరెడ్డి లింగారెడ్డి, శంకర్‌నాయక్ పాల్గొన్నారు.
నవంబర్ 15 వ రకు నీరువిడుదల
ఎడమకాల్వ పరిధిలో మొదటి జోన్‌కు గురువారం నుండి ఆరుతడులుగా నవంబర్ 15 వరకు నీటిని విడుదల చేస్తామని విద్యుత్ శాఖమంత్రి గుంటకండ్ల జగదీశ్‌రెడ్డి తెలిపారు. నీటి లభ్యతను దృష్టిలో పెట్టుకుని ఆరుతడి పంటలకు గాను నీటిని విడుదల చేయాలని ప్రభుత్వం నిర్ణయించిందన్నారు. రైతాంగం ఆరుతడి పంటలు మాత్రమే వేసుకోవాలని, వరినారు వేసుకోవద్దని రైతులను కోరారు. కొత్తగా వరి నారు వేసుకుంటే రైతులు నష్టపోతారని ఈ విషయం గమనించాలని తెలిపారు.
చిత్రాలు.. ఎడమకాల్వకు నీటిని విడుదల చేస్తున్న మంత్రి జగదీశ్‌రెడ్డి,
ఎంపి గుత్తా, ఎమ్మెల్యే భాస్కర్‌రావు, సిఇ సునీల్...
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.