రాష్ట్రీయం
వచ్చే నెలకి ఇంతే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 27: శ్రీశైలంనుంచి సెప్టెంబర్ నెల అవసరాలకోసం తెలంగాణకు 15 టిఎంసిలు, ఎపికి 36 టిఎంసిలు విడుదల చేయాలని కృష్ణా నదీ యాజమాన్య బోర్డు త్రిసభ్య కమిటి నిర్ణయించింది. బోర్డు సభ్య కార్యదర్శి సమీర్ ఛటర్జీ, రెండు రాష్ట్రాల ఇంజనీర్-ఇన్-చీఫ్‌లు మురళీధర్, వెంకటేశ్వరరావులతో కూడిన త్రిసభ్య కమిటీ శనివారం జలసౌధలో సమావేశమైంది. రెండు రాష్ట్రాల సాగు, తాగు అవసరాలను దృష్టిలో ఉంచుకుని ఈ నిర్ణయం తీసుకుంది. శుక్రవారం జరిగిన సమావేశానికి కొనసాగింపుగా శనివారం ఈ భేటీ జరిగింది. రెండు రాష్ట్రాలు తమ అవసరాలను త్రిసభ్య కమిటీ దృష్టికి తీసుకువచ్చాయి. తెలంగాణకు వచ్చే మూడునెలలకోసం నాగార్జునసాగర్ ఎడమకాలువ కింద సాగుకోసం 31 టిఎంసిలు, హైదరాబాద్ తాగునీటికి ఆరు టిఎంసిలు, నల్లగొండ జిల్లా తాగునీటికి 4 టిఎంసిలు అవసరం అవుతాయని ప్రభుత్వం పేర్కొంది. ఖరీఫ్‌కు తక్షణమే 12 టిఎంసిలు, అక్టోబర్‌లో 15 టిఎంసిలు, మిగతానీరు ఆ తర్వాత అవసమవుతుందని వివరించారు. సెప్టెంబర్‌లో హైదరాబాద్ నగరంతోపాటు నల్లగొండ జిల్లాలో తాగునీటి అవసరాలకోసం మూడు టిఎంసిలు అవసరం అవుతాయని వివరించారు. ఈ ప్రతిపాదనలను పరిశీలించిన త్రిసభ్య కమిటీ సెప్టెంబర్ నెల అవసరాలకోసం 15 టిఎంసిలను విడుదల చేయాలని నిర్ణయించింది. సాగర్ ఎడమకాలువకు 12.50 టిఎంసిలు, హైదరాబాద్ తాగునీటికి 1.50 టిఎంసిలు, ఎలిమినేటి మాధవరెడ్డి ప్రాజెక్టుకు ఒక టిఎంసి అంటే మొత్తం 15 టిఎంసిలు వినియోగించుకోవాలని కమిటీ సూచించింది.ఇలాఉండగా ఆంధ్రప్రదేశ్ రాష్ట్రం సెప్టెంబర్ నెల వరకే 47 టిఎంసిల నీరు అవసరం అవుతుందని నివేదిక ఇచ్చింది. నాగార్జునసాగర్ కుడికాలువకు 10 టిఎంసిలు, ఎడమకాలువకు నాలుగు టిఎంసిలు, కృష్ణాడెల్టాకు 12 టిఎంసిలు, హంద్రీనీవాకు ఐదు టిఎంసిలు, గాలేరు-నగరికి ఆరు టిఎంసిలు, తెలుగుగంగకు ఐదు టిఎంసిల నీరు అవసరం అవుతుందని ఎపి ఉన్నతాధికారులు త్రిసభ్య కమిటీకి విన్నవించారు. కాగా సెప్టెంబర్ నెలలో ఎపి అవసరాలకోసం 36 టిఎంసిలను ఇచ్చేందుకు అంగీకరించింది. నాగార్జునసాగర్ కుడికాలువకు 10, ఎడమకాలువకు రెండు టిఎంసిలు, కృష్ణా డెల్టాకు 10 టిఎంసిలు, తెలుగుగంగ, చెన్నై తాగు నీటి అవసరాలకోసం ఐదు టిఎంసిలు, హంద్రీనీవాకు నాలుగు టిఎంసిలను కేటాయించారు. ఉభయ రాష్ట్రాల్లో పరిస్థితిని పరిశీలించేందుకు కెఆర్‌ఎంబి సభ్యులు ఆయా ప్రాంతాలకు వెళ్లి రావాలని నిర్ణయించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.