తెలంగాణ
ఎయిర్ హోస్టెస్‌పై అత్యాచార యత్నం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 30: ప్రైవేట్ విమానయాన సంస్థలో పనిచేస్తున్న ఎయిర్ హోస్టెస్‌పై క్యాబ్‌డ్రైవర్ అత్యాచార యత్నానికి ఒడిగట్టిన సంఘటన వెలుగుచూసింది. శంషాబాద్ అంతర్జాతీయ విమానాశ్రయంలో ప్రముఖ విమానయాన సంస్థలో ఎయిర్‌హోస్టెస్‌గా పనిచేస్తున్న యువతి సోమవారం అర్ధరాత్రి ఉప్పర్‌పల్లి హ్యాపీ హోమ్స్‌కాలనీ రోడ్డుపై క్యాబ్‌ను పికప్ చేసుకుంది. ట్యాక్సీ డ్రైవర్ శంషాబాద్ ఎయిర్‌పోర్టుకు వెళ్లాల్సి ఉండగా, యువతిని జనసంచారం లేని ప్రదేశానికి తీసుకెళ్లి అత్యాచార యత్నానికి ఒడిగట్టాడు. అప్పటికే అప్రమత్తమైన యువతి అరుపులు, కేకలు వేసింది. దీంతో క్యాబ్ డ్రైవర్ తన స్నేహితులైన మరికొందరి సహాయంతో ఆమెపై అత్యాచార యత్నానికి పాల్పడటమే కాకుండా, ఆమె నుంచి సెల్‌ఫోన్, నగదు లాక్కొని పరారయ్యారు. షాక్ నుంచి తేరుకొని, మరో ట్యాక్సీని పికప్ చేసుకుంది. ట్యాక్సీ డ్రైవర్ సెల్‌ఫోన్ సాయంతో తనపై జరిగిన అఘాయిత్యంపై బంధువులకు సమాచారం అందించి, రాజేంద్రనగర్ పోలీసులకు ఫిర్యాదు చేసింది. క్యాబ్‌డ్రైవర్ తనతో అసభ్యంగా వ్యవహరించి తనపై అత్యాచారయత్నానికి ఒడిగట్టాడని, తన ఫోన్, డబ్బులను లాక్కొని శంషాబాద్ శివార్లలో వదిలేసి పరారయ్యాడని ఫిర్యాదులో పేర్కొంది. దీనిపై స్పందించిన డిసిపి సన్‌ప్రీత్‌సింగ్ నేతృత్వంలో నిందితుడిని పట్టుకోవడానికి ఐదు ప్రత్యేక బృందాలను ఏర్పాటు చేసి దర్యాప్తు చేస్తున్నారు. బాధితురాలిని వెంట పెట్టుకొని ఎయిర్‌పోర్ట్ పరిసర ప్రాంతాలైన హిమాయత్‌సాగర్, శంషాబాద్ తదితర ప్రాంతాల్లో తనిఖీలు జరిపారు. అలాగే ఆ ప్రాంతంలోని సిసి ఫుటేజీలను పరిశీలిస్తున్నారు. కాగా ఎయిర్‌హోస్టెస్‌ను టవేరా వాహనంలో తీసుకెళ్లినట్లు ప్రాథమికంగా అంచనాకు వచ్చినట్లు సమాచారం. పూర్తి వివరాలు తెలుసుకుంటున్నామని, నిందితులను త్వరలోనే పట్టుకుంటామని డిసిపి సన్‌ప్రీత్‌సింగ్ తెలిపారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.