రాష్ట్రీయం
ఆదాయం 46వేల కోట్లు ఖర్చు 49వేల కోట్లు
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, సెప్టెంబర్ 1: ఈ ఆర్థిక సంవత్సరంలో ఇప్పటివరకు రూ.46,051 కోట్ల ఆదాయం రాగా, రూ.49,686 కోట్ల మేర ఖర్చులు తేలాయి. ఫలితంగా 3వేల కోట్ల వరకు లోటు ఏర్పడింది. రాష్ట్రానికి ఆదాయ వనరులుగా ఉన్న వాణిజ్య పన్నులు, స్టాంప్స్ అండ్ రిజిస్ట్రేషన్స్, ఎక్సైజ్, రవాణా శాఖలలో అంచనాల మేరకు వసూళ్లు జరగటం లేదని గురువారం ఏపి సచివాలయంలో సమావేశమైన మంత్రివర్గ ఉపసంఘం తేల్చింది. ఆర్థిక మంత్రి యనమల రామకృష్ణుడు, ప్రభుత్వ ఆర్థిక సలహాదారు కుటుంబరావు నేతృత్వంలో ఉపసంఘం జమ, ఖర్చులు, ఆదాయ మార్గాలపై సచివాలయంలోని ఫైనాన్స్ మినిస్ట్రీ చాంబర్‌లో సమావేశమయ్యారు. పట్టణాల్లో జనసాంద్రత పెరగటంద్వారా సేవల రంగం అభివృద్ధి చెందుతోందని రాబడికూడా పెంచుకోవచ్చనే అంశంపై సమావేశం దృష్టి సారించింది. ఆంతరంగికంగా జరిగిన ఈ సమావేశం వివరాలను ఆర్థిక మంత్రి యనమల రామకృష్ణుడు మీడియాకు వివరించారు. రానున్న కాలంలో పట్టణీకరణ వృద్ధి చెందుతుందని, అందుకు అనుగుణంగా వౌలిక సదుపాయాల కల్పనకు ప్రాధాన్యత ఇవ్వాల్సి ఉందన్నారు. దీనివల్ల ఆదాయాన్ని పెంచుకోవచ్చని అభిప్రాయపడ్డారు. పట్టణ ప్రాంతాల్లో మురికివాడలు లేకుండా అన్ని వర్గాలకు ఉపయోగపడేలా ప్రైవేటు భాగస్వామ్యంతో గృహాల నిర్మాణానికి ప్రభుత్వం కృషి చేస్తోందని తెలిపారు. 2016-17 ఆర్థిక సంవత్సరంలో 15 శాతం వృద్ధిరేటు సాధించేందుకు అవసరమైన ప్రణాళికలు సిద్ధం చేసుకుంటున్నట్లు వివరించారు. గృహనిర్మాణ పథకం అమలులో ప్రభుత్వం బలహీనవర్గాలకు అధిక ప్రాధాన్యం ఇస్తుందని స్పష్టం చేశారు. మైన్స్ అండ్ మినరల్స్‌లో వృద్ధి సాధించే అవకాశం ఉన్నప్పటికీ వెనుకబడి ఉన్నట్లు గుర్తించామన్నారు. దీనిపై పునస్సమీక్షించి ముఖ్యమంత్రి విధాన నిర్ణయాలు తీసుకుంటారని చెప్పారు. ఈ ఆర్థిక సంవత్సరంలో సాగునీటి ప్రాజెక్టులు, పురపాలక సంఘాల అభివృద్ధికి ఎక్కువ నిధులు కేటాయించటం జరిగిందన్నారు. ప్రస్తుత వర్షాభావ పరిస్థితులను అధిగమించేందుకు నిధులు వెచ్చించాల్సిన అవసరం ఉందని తెలిపారు.
చిత్రం.. మంత్రి వర్గ ఉపసంఘం భేటీ అనంతరం మీడియాతో మాట్లాడుతున్న యనమల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.