రాష్ట్రీయం
రెడ్‌లైట్ ఏరియాను తలపిస్తున్న అసెంబ్లీ
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, డిసెంబర్ 23: ఆంధ్రప్రదేశ్ రాష్ట్ర అసెంబ్లీ సమావేశాల పనితీరు రెడ్‌లైట్ ఏరియాను తలపిస్తోందని సిపిఐ జాతీయ కార్యదర్శి కె నారాయణ ఆరోపించారు. గుంటూరు సిపిఐ కార్యాలయంలో బుధవారం ఏర్పాటు చేసిన విలేఖర్ల సమావేశంలో నారాయణ మాట్లాడుతూ అసెంబ్లీలో ఎమ్మెల్యేలు వ్యవహరిస్తున్న తీరు సక్రమంగా లేదన్నారు. శాసనసభ్యురాలు రోజాపై సంవత్సరకాలం నిషేధం విధించడం బాధాకరమన్నారు. అయితే ప్రతిపక్ష నాయకులు తమ శాసనసభ్యులను క్రమశిక్షణలో పెట్టుకోవాల్సిన అవసరం ఎంతైనా ఉందన్నారు. అధికార పక్షసభ్యుల పట్ల ఎమ్మెల్యేలు దురుసుగా వ్యవహరించడం సరికాదన్నారు. ప్రస్తుతం అధికారపక్షం ఎదుర్కొంటున్న పరిస్థితి భవిష్యత్తులో జగన్ కూడా చవిచూడాల్సి వస్తుందని హెచ్చరించారు. అసెంబ్లీలో వ్యవహారాలను ప్రజలకు తెలిసే విధంగా ప్రత్యక్ష ప్రసారాలను ఎటువంటి ఎడిటింగ్ లేకుండా ప్రసారం చేస్తే ప్రజలు సమావేశాల పనితీరును, జరుగుతున్న వ్యవహారాన్ని గమనించి, నిర్ణయం తీసుకుంటారన్నారు. అసెంబ్లీలో వామపక్ష సభ్యులు లేని లోటు స్పష్టంగా కనిపిస్తోందన్నారు. వామపక్ష నాయకులు ఉంటే ప్రజా సమస్యలపై చర్చ జరిగేదన్నారు. దేశ, రాష్ట్ర రాజకీయాల్లో అవినీతి రాజ్యమేలుతోందని విమర్శించారు. ప్రధాని నరేంద్రమోదీ విష్ణుచక్రం లాంటివారని, ప్రస్తుతం విష్ణుచక్ర హవా తగ్గిందన్నారు. ఢిల్లీ, బీహార్ ఎన్నికల్లో బిజెపికి ఎదురుగాలి తగిలిందన్నారు. దేశ, రాష్ట్ర చట్టసభల్లో ప్రజా సమస్యలను గాలికివదిలి పనికిరాని సమస్యల గురించి చర్చించడం పట్ల ఆవేదన వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.