రాష్ట్రీయం
బ్లాక్‌లిస్ట్‌లో పెట్టలేదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 23: అమెరికాలో భారతీయ విద్యార్ధులు చదువుతున్న ఏ విశ్వవిద్యాలయం బ్లాక్‌లిస్టు కాలేదని, ఇమిగ్రేషన్ సమస్యలతోనే భారతీయ విద్యార్ధులు ఇబ్బందులు పడుతున్నారని అమెరికాకు చెందిన పలు వర్శిటీలు ప్రకటించాయి. సిలికాన్ వ్యాలీ యూనివర్శిటీ, నార్త్ వెస్ట్రన్ పాలిటెక్నిక్ యూనివర్శిటీలు సైతం బ్లాక్ లిస్టును ఖండించాయి. ఇప్పటికీ ఇతర దేశాలకు చెందిన విద్యార్ధులు వచ్చి చేరుతున్నారని వాళ్లను ఇంటర్వ్యూలు చేస్తున్నామని నార్త్ వెస్ట్రన్ పాలిటెక్నిక్ యూనివర్శిటీ ప్రెసిడెంట్ పీటర్ సిష్ తెలిపారు. కొంత మంది భారతీయ విద్యార్ధులను వెనక్కు పంపిన మాట వాస్తవమేనని, మొత్తం విద్యార్ధుల్లో వారి సంఖ్య చాలా నామమాత్రమని చెప్పారు. ఇమిగ్రేషన్ ఇంటర్వ్యూల్లో ఫెయిల్ అయిన భారతీయ విద్యార్ధులను మాత్రమే వెనక్కు పంపించారని పేర్కొన్నారు. చదువుకోవడానికా ఉద్యోగం చేయడానికా అని ప్రశ్నిస్తే కొంత మంది పార్టు టైమ్ ఉద్యోగాలు చేస్తామని చెప్పారని, పైగా చదువుకోవడానికి సరిపడా ఆర్ధిక స్థోమతుకు తగిన ఆధారాలు చూపించలేకపోయారని, తనతోపాటు విమానంలో కలిసి ప్రయాణించిన ఇతరులు ఎవరు అని ప్రశ్నిస్తే తమ బ్యాచ్ 15 మంది గురించి చెప్పడంతో వారందరినీ ఫెయిల్ చేశారని, అంతే తప్ప యూనివర్శిటీని బ్లాక్ లిస్టులో పెట్టలేదని ఆయన వివరించారు. అమెరికా చట్టాలను తప్పనిసరిగా దృష్టిలో ఉంచుకుని ఇమిగ్రేషన్ ఇంటర్వ్యూల్లో తమకు ఏ తరహా వీసా లభించిందో ఆ తరహా సమాధానాలే చెప్పాల్సి ఉంటుందని, చదువుకోవడానికి వస్తూ ఉద్యోగాలు చేస్తామని చెప్పినా, ఉద్యోగాలు చెయ్యడానికి వచ్చి చదువుకుంటామని చెప్పినా వారు అనర్హులవుతారని అదే విధంగా ఫీజులు, ఆర్ధిక స్థోమతు, ఆదాయ వనరులకు సంబంధించిన సరైన పత్రాలను సమర్పించాల్సి ఉంటుందని ఆయన వివరించారు. ఈ మేరకు యూనివర్శిటీ వెబ్‌సైట్‌లో వివరణ పెట్టింది. కాగా ఇబ్బందులు పడిన విద్యార్ధులకు తమ టిక్కెట్ల మొత్తాన్ని వెనక్కు ఇచ్చేందుకు ఎయిర్ ఇండియా ముందుకు వచ్చింది. కాగా కొంత కాలంపాటు అనుమానాస్పదంగా ఉన్న వర్శిటీలకు వెళ్లే ప్రయత్నం మానుకోవాలని భారతీయ విదేశాంగ శాఖ బుధవారం పేర్కొంది. వర్శిటీల బ్లాక్ లిస్టు వివరాలను అమెరికా ప్రభుత్వాన్ని కోరామని, దాని నుండి వివరణ రాగానే విద్యార్ధులకు సమాచారం అందిస్తామని విదేశాంగ శాఖ స్పష్టం చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.