రాష్ట్రీయం
ఐఐటిల్లో.. విదేశీ విద్యార్థులకు ప్రాధాన్యత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 13: విదేశీ విద్యార్ధులకు ఐఐటి మెయిన్స్ నుండి మినహాయించాలని జాయింట్ అడ్మిషన్స్ బోర్డు యోచిస్తోంది. ప్రధానంగా సార్క్ దేశాలైన ఆఫ్గనిస్థాన్, బంగ్లాదేశ్, శ్రీలంక, నేపాల్, భూటాన్, మాల్దీవులులతో పాటు సింగపూర్, యునైటెడ్ అరబ్ ఎమిరేట్స్, ఇథియోపియాలకు చెందిన విద్యార్ధులు నేరుగా ఐఐటి జెఇఇ అడ్వాన్స్ పరీక్షలో పోటీపడి సీట్లు సాధించుకునేలా అంతర్జాతీయ విద్యార్ధులకు అధిక ప్రాధాన్యత కల్పించాలని మానవ వనరుల మంత్రిత్వశాఖ యోచిస్తోంది. అవసరమైతే ఈ దేశాల్లో పరీక్ష కేంద్రాలను ఏర్పాటు చేసి, అక్కడి విద్యార్ధులు పెద్ద ఎత్తున పరీక్షలు రాసేలా చూడాలని కూడా యోచిస్తోంది.
ప్రస్తుతం జెఇఇ మెయిన్స్ పరీక్షను కొలంబో, ఖాట్మండు, సింగపూర్, బహ్రెయిన్, దుబాయి, మస్కట్, రియాద్, షార్జాల్లో నిర్వహిస్తున్నారు. అడ్వాన్స్‌డ్ పరీక్షను కేవలం దుబాయ్, యునైటెడ్ అరబ్ ఎమిరేట్స్‌లలో మాత్రమే నిర్వహిస్తున్నారు. ఈ కారణాలతో అక్కడి విద్యార్ధులకు ఐఐటిలు చేతికి అందని విద్యాసంస్థలుగా మారాయి. ఈ క్రమంలోనే మరికొన్ని దేశాల్లోనూ పరీక్ష కేంద్రాలు ఏర్పాటు చేయాలని మానవ వనరుల మంత్రిత్వశాఖ ఐఐటి జాయింట్ అడ్మిషన్స్ బోర్డుకు సూచించింది. అమెరికా, యుకె వంటి దేశాల్లో కంటే చిన్న దేశాలకు చెందిన విద్యార్ధులను ఆకర్షించడం తేలికగా ఉంటుందని భావిస్తున్న ఐఐటి కౌన్సిల్ ఆ దిశగా అడుగులు వేస్తోంది. కామన్ మెరిట్ లిస్టులో ఉండటంతో పాటు టాప్ 20 పర్సంటైల్, కనీసం 75 శాతం మార్కులు రావాలనే నిబంధనలను సైతం విదేశీ విద్యార్ధులకు మినహాయించనున్నారు. అంతర్జాతీయ ప్రమాణాల ప్రకారం ఉన్నత విద్యాసంస్థలుగా గుర్తింపు పొందాలంటే విదేశీ విద్యార్ధుల శాతాన్ని కూడా పరిగణనలోకి తీసుకోవడంతో ఆ దిశగా ఐఐటి కౌన్సిల్ చర్యలు చేపట్టింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.