రాష్ట్రీయం
పోలవరానికి విదేశీ నిధులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 18: ప్రతిష్టాకరమైన పోలవరం ప్రాజెక్టుకు విదేశీ నిధులు రానున్నాయి. బహుళార్ధక సాధక ప్రాజెక్టుకు విదేశీ బ్యాంకులు, విదేశీ ఏజెన్సీలు నిధులు ఇచ్చేందుకు పోటీ పడుతున్నాయి. ఈ ప్రాజెక్టుకు సంబంధించి అయ్యే పూర్తి వ్యయాన్ని కేంద్రం భరిస్తున్నట్లు ఇప్పటికే ప్రకటించింది. పోలవరం ప్రాజెక్టుకు నాబార్డు బ్యాంకు రుణాలు సమకూర్చుతోంది. ఈ రుణాలను తీర్చే బాధ్యత స్వీకరిస్తున్నట్లు కేంద్రం ప్రకటించిన విషయం విదితమే. ఈ నిధులను నాబార్డు విదేశీ బ్యాంకులు లేదా అంతర్జాతీయ ఏజన్సీలతో ఒప్పందం కుదుర్చుకుని రుణం రూపంలో తీసుకుని పోలవరం ప్రాజెక్టుకు యుద్ధప్రాతిపదికన విడుదల చేయాలని నిర్ణయించింది. ఈ మేరకు ఆంధ్రప్రదేశ్ సాగునీటిపారుదల శాఖకు నాబార్డు నుంచి సమాచారం అందింది. నాబార్డు రెండు లేదా మూడు బ్యాంకులు లేదా విదేశీ ఏజన్సీలతో ఒప్పందం కుదుర్చుకునే అవకాశం ఉంది. జపాన్ ఇంటర్నేషనల్ కో ఆపరేషన్ ఏజన్సీ (జైకా), ప్రపంచ బ్యాంకు, ఆసియా అభివృద్ధి బ్యాంకు, ఇజ్రాయిల్ ఏజన్సీ ఫర్ ఇంటర్నేషనల్ డెవలప్‌మెంట్, యునైటెడ్ స్టేట్స్ ఆఫ్ అమెరికా ఫర్ ఇంటర్నేషనల్ డెవలప్‌మెంట్ ఏజన్సీలతో పాటు అంతర్జాతీయంగా ఉన్న ప్రముఖ బ్యాంకులతో రుణాలను పొందేందుకు నాబార్డు కసరత్తును ప్రారంభించింది.
తాజా అంచనాల ప్రకారం పోలవరం ప్రాజెక్టుకు రూ. 28,790 కోట్ల వ్యయమవుతుంది. 2014 ఏప్రిల్ 1వ తేదీ తర్వాత ఈ ప్రాజెక్టుకు రాష్ట్ర ప్రభుత్వం రూ.5548 కోట్లను ఖర్చు చేసింది. ఇందులో కేంద్రం రూ. 935కోట్లను విడుదల చేసింది. కేంద్రం విడుదల చేయాల్సిన నిధులు మినహాయిస్తే మొత్తం వ్యయం రూ. 23,500 కోట్లని సాగునీటి శాఖ వర్గాలు తెలిపాయి. నాబార్డు మొత్తం వ్యయంలో 80 శాతం రుణాలను తీసుకోవాలనే యోచనలో ఉన్నట్లు సమాచారం. 2011 అంచనా ప్రకారం ప్రాజెక్టు వ్యయం రూ.16,010.45 కోట్లు. నాబార్డు నుంచి తీసుకునే రుణంలో సింహభాగం నిర్వాసితులకు పునరావాస కార్యక్రమాలకే ఖర్చుపెట్టాల్సి ఉంటుంది.
గతంలో వైఎస్ రాజశేఖరరెడ్డి ఉమ్మడి ఆంధ్రప్రదేశ్‌కు ముఖ్యమంత్రిగా ఉన్న సమయంలో బ్యాంకుల నుంచి రుణాలు తీసుకుని ఇరిగేషన్ ప్రాజెక్టులను నిర్మించాలనుకున్నారు. ఈ విషయమై నివేదికలను బ్యాంకులకు అందించారు. కాని బ్యాంకులు ముందుకు రాలేదు. బ్యాంకులు రుణాలు ఇచ్చేందుకు ముందుకు వచ్చినా, రుణాలను రాష్ట్రప్రభుత్వం ఏ ప్రాతిపదికన చెల్లిస్తుందనేది చర్చనీయాంశమైంది. కాగా ఇక్కడ కేంద్రం గ్యారంటీగా ఉండడం, పూర్తి ఖర్చును భరించేందుకు సంసిద్ధతను వ్యక్తం చేయడం వల్ల నాబార్డుకు విదేశీ బ్యాంకులు లేదా ఏజన్సీల నుంచి నిధులు లభించడం తేలికవుతుందని సాగునీటి రంగ నిపుణలు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.