రాష్ట్రీయం
పిడి వాదనలు చేయవద్దు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 20: తెలంగాణ ప్రభుత్వం నీటి కేటాయింపుల విషయంలో మొండిగా పోతోందని ఎమ్మెల్సీ గాలి ముద్దుకృష్ణమనాయుడు ఆరోపించారు. బచావత్, బ్రిజేష్ ట్రిబ్యునల్ తీర్పులలోనూ, విభజన చట్టం 2014లోనూ కేటాయింపుల గురించి, ప్రాజెక్టుల గురించి స్పష్టంగా పేర్కొన్నా ఆ నిబంధనలను తెలంగాణ ఉల్లంఘిస్తోందని చెప్పారు. బచావత్ ట్రిబ్యునల్ ఎపికి 512 టిఎంసిలు, తెలంగాణకు 299 టిఎంసిలు కేటాయించారని, విభజన చట్టంలోని షెడ్యూలు 11 ప్రకారం ఎపికి మిగులు జలాలపై పూర్తి హక్కు ఉందని , ఉమ్మడి ఎపిలో 15 సంవత్సరాల నీటిని పరిశీలిస్తే ఐదేళ్లు మాత్రమే 811 టిఎంసిలు వచ్చిందని, గత ఏడాది 73 టిఎంసిలు మాత్రమే వచ్చాయని, ఇలాంటి పరిస్థితుల్లో తెలంగాణ ప్రభుత్వం 150 టిఎంసిలు నీటిని అదనంగా వాడుకుంటామని అంటున్నారని తాగడానికి కూడా ఎపికి నీరు లేకుండా చేయాలని చూస్తున్నారని పేర్కొన్నారు. విభజన చట్టంలో పెండింగ్ ప్రాజెక్టులు ఆరు ఉన్నాయని , కల్వకుర్తికి జూరాల నుండి నీటిని తీసుకోమన్నారే కానీ కృష్ణా నది నుండి కాదని గుర్తించాలని అన్నారు. పాలమూరు - రంగారెడ్డి, డిండి ప్రాజెక్టులు 120 టిఎంసిల నీరు కేటాయించాలని అంటున్నారని కొత్త ప్రాజెక్టులు నిర్మించాలంటే కృష్ణా వాటర్ బోర్డు , అపెక్స్ కౌన్సిల్, సిడబ్ల్యుసి అనుమతులు ఇవ్వాల్సి ఉంటుందని పేర్కొన్నారు. తెలంగాణలో సింగూరు, శ్రీరాంసాగర్, జూరాల ప్రాజెక్టులను కట్టడం వల్ల మహారాష్టల్రో ముంపు అవుతున్నందున 35 టిఎంసిలు మహారాష్టక్రు ఇస్తామన్నామని చెప్పారు. పోలవరంలోని 45 టిఎంసిలలో ఒక్క చుక్క కూడా తెలంగాణకు హక్కు లేదని గాలి ముద్దుకృష్ణమనాయుడు పేర్కొన్నారు. డిండి, పాలమూరు-రంగారెడ్డి ప్రాజెక్టులను విరమించుకోవాలని ఆయన డిమాండ్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.