రాష్ట్రీయం
బ్రహ్మాండంగా బ్రహ్మోత్సవం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుమల, అక్టోబర్ 3: శ్రీవేంకటేశ్వర స్వామివారి బ్రహ్మోత్సవాల ప్రారంభానికి నాందిగా శ్రీవారి ఆలయంలో సోమవారం ధ్వజారోహణాన్ని శాస్త్రోక్తంగా నిర్వహించారు. సాయంత్రం 6.15 నుంచి 6.30 గంటల మధ్య మీనలగ్నంలో వైఖానస ఆగమ సంప్రదాయ రీత్యా పవిత్ర గరుడ పతాకాన్ని (్ధ్వజపటం) బంగారు ధ్వజస్తంభ శిఖరాగ్రంపై ఆవిష్కరించి ఉత్సవాలకు శ్రీకారం చుట్టారు. ఉత్సవమూర్తులైన భోగ శ్రీనివాసుడు, శ్రీదేవి, భూదేవి సమక్షంలో సీతారామాచార్యులు క్రతువు నిర్వహించి, మంగళవాయిద్యాలు, వేదమంత్రోచ్చారణల మధ్య పతాక ఆవిష్కరణ చేశారు. ధ్వజస్తంభంపై ఎగిరే గరుడ పతాకమే బ్రహ్మోత్సవాల కోసం ముక్కోటి దేవతలకు ఆహ్వానపత్రం. ఈ ఆహ్వానాన్ని అందుకొని సకల దేవతలు 9 రోజుల పాటు సప్తగిరులలో ఉంటూ ఉత్సవాలను తిలకిస్తారని పురాణాలలోప్రతీతి. ధ్వజారోహణానికి శ్రీదేవి, భూదేవి సమేతుడైన మలయప్ప స్వామి, పరివార దేవతలైన అనంతుడు (ఆదిశేషుడు), గరుత్మంతుడు, విష్వక్సేనుడు, గరుడ ధ్వజం, సుదర్శన చక్రతళ్వారుతో కలిసి ఆలయ పురవీధులలో ఊరేగారు.ఈక్రమంలో ధ్వజస్తంభంపై ఉన్న గరుడాళ్వారులకు పొంగలిని నైవేద్యంగా పెట్టారు. ఈ పొంగలి స్వీకరిస్తే పిల్లలు లేని వారికి పిల్లలు పుడతారని, సర్పదోషం పోతుందని, ప్రసాదం మనిషిలోని రుగ్మతలను దూరం చేస్తుందని భక్తుల నమ్మకం. ధ్వజారోహణ కార్యక్రమంలో టిటిడి చైర్మన్ చదలవాడ కృష్ణమూర్తి దంపతులు, ఇఓ సాంబశివరావు దంపతులు, తిరుమల జెఇఓ శ్రీనివాసరాజు, అనంతపురం డిఐజి ప్రభాకర్‌రావు, టిటిడి సివిఎస్‌ఓ శ్రీనివాస్, ఎస్పీ జయలక్ష్మి, ఇతర ఉన్నతాధికారులు, టిటిడి బోర్డు సభ్యులు, ఆలయ డిప్యూటీ ఇఓ కోదండరామారావు, ఆలయ అర్చకులు పాల్గొన్నారు.
చిత్రం.. తిరుమలలో శ్రీవారి బ్రహ్మోత్సవాల ప్రారంభానికి నాందిగా ధ్వజారోహణం నిర్వహిస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.