రాష్ట్రీయం
సాంకేతిక పరిజ్ఞానం ప్రగతికి సాధనం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 6: రాష్ట్ర ప్రభుత్వం ఆర్థిక ఇబ్బందుల్లో ఉన్నప్పటికీ, వాటిని సాంకేతిక పరిజ్ఞానంతో అధిగమిస్తున్నామని ముఖ్యమంత్రి చంద్రబాబు నాయుడు పేర్కొన్నారు. ‘డిజిటల్ డిస్ట్రప్షన్ అండ్ ఇన్నోవేషన్, నేవిగేటింగ్ ది నెక్స్ట్‌జన్ రివల్యూషన్’ అంశంపై గురువారం విశాఖలో జరిగిన సదస్సులో ఆయన ప్రసంగించారు. ప్రభుత్వ పాలనను సాంకేతికతతో అనుసంధానం చేశామని చెప్పారు. అన్ని శాఖల్లో డిజిటలైజేషన్‌ను అమలు చేస్తున్నామన్నారు. ఈ-క్యాబినెట్, బిగ్ డేటా ఎనాలసిస్, డ్రోన్, సిసి కెమెరా, బయోమెట్రిక్‌తో పాలనను మరింత సరళతరం చేశామని ఆయన చెప్పారు. రాష్ట్రంలో 50 మున్సిపాలిటీల్లో వీధి దీపాల స్థితిగతులను కమాండ్ కంట్రోల్ రూం నుంచి తెలుసుకుంటున్నామని ఆయన చెప్పారు. కృష్ణా పుష్కరాల్లో సాంకేతికతను విరివిగా ఉపయోగించుకోవడంతో 95 శాతం మంది సంతృప్తి వ్యక్తం చేశారని ఆయన తెలియచేశారు. సాంకేతికతను ఎక్కువగా వినియోగించుకోవడం ద్వారా డబుల్ డిజిట్ గ్రోత్‌ను సాధించగలిగామన్నారు.
స్వాతంత్య్రం వచ్చిన తరువాత తొలిసారిగా కాంగ్రెస్సేతర పార్టీ అత్యుత్తమ మెజార్టీతో కేంద్రంలో పగ్గాలు చేపట్టిందని, దీనికి మోదీ సమర్థతే కారణమని చంద్రబాబు అన్నారు. మోదీ తీసుకుంటున్న నిర్ణయాలు భారత ఆర్థిక వ్యవస్థను పటిష్ట పరుస్తున్నాయని సిఎం అన్నారు. చైనాలో 1978లో ఆర్థిక సంస్కరణలు ప్రవేశపెట్టారని, భారత దేశంలో 1995లో సంస్కరణలు మొదలయ్యాయని చెప్పారు. అయితే చైనా మనకన్నా 13 ఏళ్లు ముందు ఉందని ఆయన చెప్పారు. భారతదేశానికి యువత ఇప్పుడు కీలకం కాబోతున్నారని చంద్రబాబు చెప్పారు.
భారతీయుల ఐక్యు ఎక్కువని, నాలుగవ పారిశ్రామిక విప్లవానికి ఇది ఎంతగానో తోడ్పడుతుందని ఆయన చెప్పారు. టెక్నాలజీ, ఇంటర్నెట్ ఆఫ్ థింగ్స్‌ను కలిపి ఉపయోగించుకుంటే అద్భుతాలు సృష్టించవచ్చని, అందుకు సమర్థవంతమైన నాయకత్వం ఉండాలని ఆయన చెప్పారు. దీనివలన పేదరికాన్ని నిర్మూలించడానికి అవకాశం ఉంటుందని చంద్రబాబు చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.