రాష్ట్రీయం
21న టిడిపిలోకి వేదవ్యాస్
S ,7 à 8 RSCA (si SASPAS) et 6 cialis pharmacie cialis rapports de stage.
మచిలీపట్నం, అక్టోబర్ 16: వైఎస్‌ఆర్ కాంగ్రెస్ పార్టీ అధినేత జగన్మోహన్‌రెడ్డి వైఖరికి నిరసనగా ఆ పార్టీకి రాజీనామా చేసిన కృష్ణా జిల్లా సీనియర్ నేత, మాజీ ఉప సభాపతి బూరగడ్డ వేదవ్యాస్ ఆదివారం ముఖ్యమంత్రి చంద్రబాబు కలిశారు. కొంతకాలంగా వైకాపా అధినాయకత్వంపై గుర్రుగా ఉన్న ఆయన శనివారం ఆ పార్టీకి రాజీనామా చేసిన సంగతి తెలిసిందే. ఈ క్రమంలో చంద్రబాబును కలిసి ఈ నెల 21న టిడిపిలో చేరనున్నట్లు తెలిపారు. దీనికి ముఖ్యమంత్రి చంద్రబాబు గ్రీన్‌సిగ్నల్ ఇచ్చారు. కృష్ణా జిల్లా పెడన నియోజకవర్గానికి చెందిన వేదవ్యాస్ గత కాంగ్రెస్ హయాంలో రెండుసార్లు శాసనసభ్యునిగా, శాసనసభ ఉప సభాపతిగా, రాష్ట్ర అంచనాల కమిటీ ఛైర్మన్‌గా వ్యవహరించారు. కృష్ణా జిల్లా రాజకీయాల్లో తనకుంటూ ఒక ముద్ర వేసుకున్న ఆయన కొంతకాలంగా రాజకీయంగా తెరమరుగయ్యారు. 2014లో జరిగిన సాధారణ ఎన్నికలకు ముందు వైఎస్‌ఆర్ కాంగ్రెస్ పార్టీలో చేరి పెడన నుండి పోటీ చేసి ఓటమిపాలయ్యారు. తరువాత కొంతకాలం పెడన నియోజకవర్గ వైకాపా ఇన్‌ఛార్జిగా వ్యవహరించారు. పార్టీ అధినేత వైఎస్ జగన్‌తో భేదాభిప్రాయాలు రావటంతో ఇన్‌ఛార్జి పదవి పోయింది. పార్టీలో తనకంటూ ఒక గుర్తింపు లేకపోవటంతో మనోవేదనకు గురైన వేదవ్యాస్ ఇక ఇమడలేనంటూ శనివారం జరిగిన అభిమానులు, కార్యకర్తల సమావేశంలో వైకాపాకు రాజీనామా చేశారు. వేదవ్యాస్ తనయుడు కిషన్‌తేజ్‌కు, ముఖ్యమంత్రి చంద్రబాబు తనయుడు లోకేష్‌కు మధ్య స్నేహం ఉన్న నేపథ్యంలో వ్యాస్ టిడిపి గూటికి చేరడం సుగమమైంది.
చిత్రం.. ఆదివారం ముఖ్యమంత్రి చంద్రబాబుకు పుష్పగుచ్చం అందజేస్తున్న వేదవ్యాస్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.