రాష్ట్రీయం
ఫ్రెండ్లీ పోలీసింగ్ విధానం భేష్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 16: పోలీస్ అంటే ఒక రకమైన అభిప్రాయం ఏర్పడి, ప్రజలకు పోలీసులకు మధ్య గత కొనే్నళ్లనుంచి అంతరాయం ఏర్పడిందని పేర్కొంటూ, ప్రస్తుతం అది తప్పని నిరూపిస్తూ ఫ్రెండ్లీ పోలీసింగ్ విధానంతో ప్రజలకు దగ్గరైన తెలంగాణ రాష్ట్ర పోలీస్ శాఖను గవర్నర్ ఇఎస్‌ఎల్ నరసింహన్ ప్రశంసించారు. ఫ్రెండ్లీ పోలీసింగ్ విధానం మంచిదని, ఈ విధానానే్న తాను కోరుకుంటున్నానని ఆయన పునరుద్ఘాటించారు. ఆదివారం హైదరాబాద్‌లోని నెక్లెస్ రోడ్డులో ఫస్ట్ ఇండియన్ పోలీస్ మెమోరియల్ మారథాన్ రన్‌ను ఆయన ప్రారంభించారు. ఈ సందర్భంగా గవర్నర్ మాట్లాడుతూ తెలంగాణ పోలీస్ శాఖ గత రెండున్నరేళ్లుగా అనేక కార్యక్రమాలను చేపట్టి పీపుల్స్ ఫ్రెండ్లీ పోలీసింగ్ వ్యవస్థకు నాంది పలికిందని, ఫ్రెండ్లీ పోలీసింగ్ వ్యవస్థను దేశమంతటా వ్యాపించే దిశగా తెలంగాణ పోలీసులు చేస్తున్న కృషి అభినందనీయమన్నారు. ఇలాం టి పీపుల్స్ ఫ్రెండ్లీ విధానంతో ఎన్నో సమస్యలు పరిష్కరించబడుతున్నాయని, డివిజనల్, సబ్ డివిజనల్ కేంద్రాల్లో కూడా ఈ పాలసీని అమలు చేయాలని గవర్నర్ అధికారులను కోరారు. ఈ కార్యక్రమంలో పాల్గొన్న విశిష్ట అతిథి సర్దార్ వల్లబ్‌భాయ్ పటేల్ జాతీయ పోలీస్ అకాడమి డైరెక్టర్ అరుణా బహుగుణ మాట్లాడుతూ ఇలాంటి పోలీస్ రన్ దేశంలోని మిగతా రాష్ట్రాల్లో కూడా చేపట్టాలని సూచించారు. పరుగు మనిషి శరీర, ఆరోగ్య పరిపుష్టికి ఎంతో దోహదపడుతుందన్నారు. తెలంగాణ రాష్ట్ర డిజిపి అనురాగ్ శర్మ మాట్లాడుతూ, దేశంలోనే మొట్టమొదటిసారిగా పోలీస్ అమరవీరుల త్యాగాన్ని మరచిపోకుండా ఉండేందుకు ప్రజలను భాగస్వాములను చేస్తూ పోలీస్ స్మారక పరుగును విజయవంతం చేశామన్నారు. ఎవరు కూడా ఇక్కడికి బలవంతంగా రాలేదని, పోలీస్ శాఖపై ఉన్న అభిమానం, ప్రేమతో వచ్చారన్నారు. 10,5,2 కిలో మీటర్ల పరుగులో సుమారు ఆరువేల మంది పాల్గొన్నారని ఆయన తెలిపారు. కేంద్ర పోలీస్ బలగాలు, రాష్ట్ర పోలీస్ విభాగాలు ఏర్పాటు చేసిన ప్రదర్శనకు మంచి స్పందన లభిస్తోందని, ఈ ఎక్స్‌పో సోమవారం కూడా ఉంటుందని డిజిపి తెలిపారు. ప్రజల భద్రత, వారి రక్షణ కోసం పోలీసులు చేస్తున్న పనితీరును ఈ ఎక్స్‌పో తెలియజేస్తుందన్నారు. ఈ కార్యక్రమంలో నగర కమిషనర్ మహేందర్‌రెడ్డి, పలువురు ఐపిఎస్ అధికారులు పాల్గొన్నారు.
చిత్రం.. హైదరాబాద్ నెక్లెస్ రోడ్డులో ఆదివారం జరిగిన ఫస్ట్ ఇండియన్ పోలీస్ మెమోరియల్ రన్‌లో
విద్యార్థులతో గవర్నర్ ఇఎస్‌ఎల్ నరసింహన్. డిజిపి అనురాగ్ శర్మ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.