రాష్ట్రీయం
మరో సిలికాన్ వ్యాలీగా ఏపీ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 20: అమెరికాలోని సిలికాన్ వ్యాలీగా నవ్యాంధ్ర రూపుదిద్దుకోనుందని ముఖ్యమంత్రి చంద్రబాబు నాయుడు అన్నారు. అమెరికాకు చెందిన ఐటి సెర్వ్ అలయెన్స్ మెంబర్ కంపెనీస్ గ్రూప్ విశాఖ కేంద్రంగా ఏర్పాటు చేసిన ఎనిమిది ఐటి కంపెనీలను గురువారం ప్రారంభించిన సందర్భంగా మాట్లాడిన ఆయన ఇప్పటికే విశాఖ కేంద్రంగా ఐటి పరిశ్రమ అభివృద్ధి చెందుతోందని, ఇటువంటి కంపెనీలు మరిన్ని తరలివచ్చే అవకాశం ఉందన్నారు. 500 కంపెనీల గ్రూప్‌లో ఎనిమిది కంపెనీలు విశాఖలో ప్రారంభం కాగా 300 మందికి ఉద్యోగావకాశాలు లభించాయన్నారు. మరో 32 కంపెనీలతో అవగాహన ఒప్పందాలు కుదిరాయన్నారు. వీటి వల్ల మరో 2000 మందికి ఉద్యోగావకాశాలు లభిస్తాయనని పేర్కొన్నారు. ఒక్కో కంపెనీ 10 నుంచి 30 కోట్ల టర్నోవర్ సాధిస్తూ ప్రగతి దిశగా నడుస్తున్నాయన్నారు. రాష్ట్రంలో ఏర్పాటు చేసే ఐటి కంపెనీలకు ప్రభుత్వ పరంగా చక్కటి ప్రోత్సాహానిస్తున్నామని, ఎంఎస్‌ఎంఇలకు రూ.1.5 లక్షల సబ్సిడీని అందిస్తున్నట్టు తెలిపారు. మైక్రోసాఫ్ట్ 11వ అభివృద్ధి కేంద్రాన్ని అమరావతిలో ఏర్పాటు చేసేందుకు అవసరమైన చర్యలు తీసుకుంటున్నామన్నారు. ఇ-ప్రగతిలో దేశంలోనే ఆంధ్రప్రదేశ్ ప్రధమ స్థానంలో ఉందని, దీని వల్ల రాష్ట్రంలో ఏర్పాటు చేసే ఐటి కంపెనీలకు మంచి గుర్తింపు లభిస్తుందన్నారు. ఏయే రంగాల్లో ఐటిని ఉపయోగించుకోవచ్చో అధ్యయనం చేయడంతో పాటు నూతన ఆలోచనలు, ఆవిష్కరణలతో ముందుకు రావాలని ఆయన విజ్ఞప్తి చేశారు.విశాఖ నగరం ఐటి కంపెనీల ఏర్పాటుకు అనుకూలమని, ఇక్కడ సహజ వాతావరణం కంపెనీలకు, ఉద్యోగులకు అత్యంత సురక్షితమని పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.