రాష్ట్రీయం
కుంగిన రైల్వే ట్రాక్
S ,7 à 8 RSCA (si SASPAS) et 6 cialis pharmacie cialis rapports de stage.
నంద్యాల, అక్టోబర్ 22: కర్నూలు జిల్లా నంద్యాల పట్టణంలోని కుందూనది వంతెన వద్ద శనివారం మధ్యాహ్నం రైల్వేట్రాక్ కుంగిపోయింది. ఐదు నిమిషాలకు ముందు ఇదే ట్రాక్‌పై గరీబ్థ్ ఎక్స్‌ప్రెస్ రైలు వెళ్లింది. రైలు ఏమాత్రం ఆలస్యమైనా ఘోర ప్రమాదం జరిగి ఉండేది. వెంటనే రంగంలోకి దిగిన రైల్వే అధికారులు, సిబ్బంది యుద్దప్రాతిపదికన ట్రాక్‌ను పునరుద్దరించారు. పూరీ నుంచి బెంగళూరుకు వారానికి ఒకసారి తిరిగే గరీబ్థ్ ఎక్స్‌ప్రెస్ నంద్యాల పట్టణంలోని కుందూనది వంతెనపై నుంచి డోన్ వైపువెళ్లిన కొద్ది నిమిషాలకే ట్రాక్ కుంగిపోయింది. యర్రగుంట్ల రైల్వేలైన్‌ను కలిసే చోట క్యాబిన్‌కు సమీపంలో కుందూనదిపై రెండో వంతెన కోసం నిర్మాణం పనులు జరుగుతున్నాయి. పిల్లర్ల కోసం ట్రాక్ పక్కనే లోతుగా గుంతలు తీయడంతో ట్రాక్ కుంగిపోయినట్లు అధికారులు తెలిపారు. ట్రాక్ కూలడంతో డోన్ వైపు వెళ్లాల్సిన రైళ్లు, గూడ్స్‌రైళ్లను నంద్యాల రైల్వేస్టేషన్‌లో నిలిపివేశారు. అలాగే నంద్యాల వైపు వచ్చే రైళ్లను పాణ్యం, బేతంచర్ల స్టేషన్లలో ఆపారు. మరమ్మతులను యుద్ధప్రాతిపదికన పూర్తిచేసి సాయంత్రం 6 గంటలకు ఈ మార్గంలో రైళ్ల రాకపోకలు పునరుద్ధరించారు. దీంతో విజయవాడ నుండి హుబ్లీ వెళ్లే ప్యాసింజర్ రైలు, కాచిగూడ నుంచి గుంటూరు వెళ్లే ప్యాసింజర్ రైలు రెండు, మూడు గంటలు ఆలస్యంగా తిరిగాయి.
చిత్రం.. నంద్యాల సమీపంలో కుంగిన రైల్వేట్రాక్‌కు మరమ్మతులు చేస్తున్న సిబ్బంది
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.