రాష్ట్రీయం
పలకరించిన ఈశాన్య రుతుపవనాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 31: ఉభయ తెలుగు రాష్ట్రాలతో పాటు, తమిళనాడు, కేరళ, కర్నాటక మధ్య ప్రాంతాలను ఈశాన్య రుతుపవనాలు ఆదివారం పలకరించాయి. నాలుగు నెలల పాటు (జూన్ నుండి అక్టోబర్ మధ్య వరకు) దేశంలోని వివిధ ప్రాంతాలకు వర్షాలను అందించిన నైరుతీ రుతుపవనాలు ఈ నెల 28న వెళ్లిపోయాయని భారత వాతావరణ శాఖ (ఐఎండి) ప్రకటించింది. వాస్తవంగా ఈశాన్య రుతుపవనాలు అక్టోబర్ 20న రావలసి ఉండగా, పదిరోజుల పాటు ఆలస్యంగా వచ్చాయి. ఈశాన్య రుతుపవనాల మూలంగా దక్షిణ భారత్‌లోని రాష్ట్రాల్లో ఎక్కువ వర్షాలు నమోదవుతాయి. ఐఎండి లెక్కల ప్రకారం మనదేశంలోని దక్షిణ రాష్ట్రాల్లో ఏటా కురిసే మొత్తం వర్షాల్లో 60 శాతం వరకు ఈశాన్య రుతుపవనాల మూలంగానే నమోదవుతాయి. ఈ కారణంగానే రెండురోజుల నుండి తమిళనాడు, కేరళ రాష్ట్రాల్లో చాలా ప్రాంతాల్లో భారీ వర్షపాతం నమోదైంది. తెలంగాణ, రాయలసీమ జిల్లాల్లోని కొన్ని ప్రాంతాల్లో కూడా వర్షాలు కురుస్తున్నాయి. ప్రధానంగా రాయలసీమ, దక్షిణ కోస్తా జిల్లాల్లో పంటలు ప్రధానంగా ఈశాన్య రుతుపవనాల మూలంగా వచ్చే వర్షాల ఆధారంగానే వేస్తుంటారు. ఎపి, తెలంగాణలోని ప్రకాశం, తూర్పుగోదావరి, పశ్చిమగోదావరి, కృష్ణా, వరంగల్, రంగారెడ్డి, ఖమ్మం జిలాల్లోని కొన్ని ప్రాంతాల్లో గత 24 గంటల్లో ఒక మోస్తరు వర్షాలు నమోదయ్యాయి. వరంగల్ జిల్లా గూడురులో ఐదు సెంటీమీటర్లు, రంగారెడ్డి జిల్లా హకీంపేట, ప్రకాశం జిల్లా కందుకూరులో నాలుగేసి సెంటీమీటర్ల వర్షపాతం నమోదైంది. తమిళనాడు, కేరళ, అండమాన్ నికోబార్ ద్వీపాల్లోని చాలా ప్రాంతాల్లో ఐదు నుండి 10 సెంటీమీటర్ల వర్షపాతం నమోదైందని ఐఎండి ప్రకటించింది. వచ్చేవారంలో కోస్తా జిల్లాల్లో వర్షాపాతం పెరుగుతుందని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.