రాష్ట్రీయం
ఆర్కే సురక్షితం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 3: మావోయిస్టు అగ్రనేత రామకృష్ణ సురక్షితంగా ఉన్నాడని విప్లవ రచయితల సంఘం నేత వరవరరావు గురువారం రాత్రి ప్రకటించారు. అయితే ఆర్కే ఎక్కడ ఎలా ఉన్నారో మాత్రం వరవరరావు వివరాలు వెల్లడించలేదు. కాగా ఈ విషయంపై ఆంధ్ర డిజిపి సాంబశివరావు స్పందిస్తూ మావోయిస్టులు, ఆ పార్టీ సానుభూతిపరులు మైండ్ గేమ్ ఆడుతున్నారని, గత ఇరవై ఏళ్లుగా వారు ఈ పద్ధతికి అలవాటుపడ్డారన్నారు. ఈ అంశంపై జాతీయస్థాయిలో తాము కూడా చర్చ లేవనెత్తుతామన్నారు. గత నెల 24న మల్కన్‌గిరిలో జరిగిన భారీ ఎన్‌కౌంటర్ తరువాత ఆర్కే ఉనికిపై పది రోజులుగా చర్చ జరుగుతూనే ఉంది. ఆయన భార్య శిరీష, పౌరహక్కుల సంఘం హైకోర్టులో పిటిషన్ కూడా వేశారు. ఈ నేపథ్యంలో ఆర్కే సురక్షితంగానే ఉన్నట్టు విరసం నేత వరవరరావు ప్రకటనతో ఉత్కంఠకు తెరపడినట్టు తెలుస్తోంది.
కాగా గురువారం ఉదయం హైకోర్టులో ఆర్కే ఉనికికి సంబంధించి దాఖలైన కేసుపై విచారణ జరిగింది. ఆర్కే తమ దగ్గర లేడని విశాఖ రూరల్ ఎస్పీ రాహుల్ దేవ్ శర్మ కౌంటర్ అఫిడవిట్ దాఖలు చేశారు. గత నెలలో ఏఓబిలో ఎన్‌కౌంటర్ జరిగిన ప్రదేశంలో ఆర్కే ఉన్నాడా లేదా అనే విషయం తమకు తెలియదని ఆయన అఫిడవిట్‌లో స్పష్టం చేశారు. రామకృష్ణపై మొత్తం 40 కేసులు పెండింగ్‌లో ఉన్నాయన్నారు. ఇందులో విశాఖ రూరల్‌లో 22కేసులు నమోదై ఉన్నాయన్నారు. అయితే, ఈ సమయంలో హైకోర్టు జోక్యం చేసుకుని రామకృష్ణ పోలీసు కస్టడీలో ఉన్నాడని చెప్పేందుకు ఆధారాలు ఉన్నాయా అని పిటిషనర్లను ప్రశ్నించింది. తమకు ఆధారాలు చూపించేందుకు రెండు వారాలు గడువు కావాలని పిటిషనర్లు కోరారు. అనంతరం ఈకేసు విచారణను రెండు వారాల పాటు హైకోర్టు వాయిదా వేసింది. అయితే గురువారం సాయంత్రానికే వరవరరావు ఆర్కే క్షేమంగా ఉన్నట్లు ప్రకటించటంతో వివాదానికి తెరపడింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.